地下就有依間正宗馬來西亞美食！
一坐低，會給你倒一碗肉骨茶，好正！
之後一定要同大家介紹一字骨肉骨茶！好軟好入味！而且非常足料！
如果大家食辣，一定要加下面依個辣椒同蒜蓉，然後再加黑醬油同鼓油，即刻提昇哂成個味道，非常好味😋
跟住就係下面依個炸魯肉卷。唔係唔好味，裡面好似有D肉碎同芋頭，不過係有D漏😅如果多人一齊食，可以試吓！
辣醬板麵都可以一試，唔太辣，味道不錯，不過麵比較淋身！記住趁熱撈吓佢，否則會黐埋。D魚干仔好好味！整體好香！
最後叫咗奶茶同咖咉多！奶茶叫少甜好D，我個人還是喜歡港式奶茶，茶味濃D。多士好香甜，充滿椰香味，值得一試！太夠冇得去旅行，食到咁正宗嘅異國菜，真係好開心，好滿足！
