Fûhn (The L. Square) (Closed)

一直都鐘意食越南野，只係香港好食嘅越南野唔多，fuhn係其中一間推薦俾大家嘅。餐廳位於銅鑼灣，算係我近期停留得比較多嘅地方，多數都會食埋飯先番屋企呢度上左樓，生意唔算好受影響，面積都幾大，四四方方，座位多，不過如果人多最好打來訂訂位先，我見熟客多數係咁。tea time過來就唔算超多人，地方闊落，我地坐梳化位，就算一袋二袋都唔會逼。menu好多款式，小食例如雞翼、雞扒、扎肉、炸春卷、蝦餅、軟殼蟹等等，當然有乜都有嘅拼盤，留意到比較貼心，呢度仲有素食選擇，喺餐牌都有標示，方便如果同行有素食者都唔洗特別遷就。飲品素食餐招牌點左一碗湯粉，一碗撈檬，兩個小食湯粉分正常大小，亦有大份量，我地幾個share就點regular，除左河粉，可以揀金邊粉，視乎鐘意粗定幼。生牛肉牛丸湯粉非常出色，湯頭唔會太鹹，加埋香葉、椒粒同芽菜，真係飲左大半碗。河粉條條分明，唔會太細碎。生牛肉鮮嫩，食落軟腍無筋，且肉味幾明顯。牛丸切半，份量唔多，勝在口感彈牙有肉汁香茅豬扒撈檬份量都幾多喎，豬扒一大塊，切開方便食，非常香口，冇油膩感，肉質有彈性、唔乾柴。檬粉正常水準，墊底有沙律菜，個人認為性價比幾高點左個2人小食拼盤，裡