•和牛及鵝肝配長法包 5/5🌟
和牛喺法包上面，員工會用火槍炙燒，鵝肝本身好膩，但因為放喺包入面，咬開時味道就同法包融合咗，味道上唔會話好濃。
•傳統炸薯角配紅辣粉醬 5/5🌟
呢個薯角真係超級好食！外脆內軟，咬落去熱辣辣，配埋少少辣味嘅醬，食到停唔到口！
•火焰燒帶子配伊比利亞火腿、小野菜及龍蝦汁 4/5🌟
職員送上嚟嘅時候，仲會點起火，真係好有氣氛！帶子鮮嫩，但醬汁味道上稍為比較淡咗少少。
•西班牙海鮮飯 2/5🌟
飯就稍微有啲失手。飯質感比較淋，個人鍾意飯質比較硬啲，再加上覺得味道唔夠出色。不過佢份量超級大，同埋佢飯上面嘅海鮮算新鮮。
•巴斯克焦香芝士蛋糕配雜莓雪葩 4.5/5🌟
芝士蛋糕的膩，但配上雜莓雪葩加咗少少酸味，令到整個甜品開胃。整體甜度啱啱好，口感滑順。
•Overall 4/5🌟
整體嚟講，La Paloma 係一間幾正宗嘅西班牙菜餐廳，食物都有水準，值得去試。
