Video
Read full review
2023-03-28
1428 views
每次嚟九龍城，唔係食泰菜就係打邊爐，今日想食下潮州菜，朋友推介城南道呢間「鎔記潮州飯店」，聽講店舖開業多年，口碑一直唔錯。餐廳佔地兩層，裝修好傳統，環境同一般嘅潮州菜館差唔多，櫥窗掛滿了滷水鵝，而檯面亦擺放了各式各樣嘅打冷食品，滷水鵝隻隻都肥嘟嘟，賣相好吸引。先整碗韭菜豬紅 ($68) 過下口癮，濃濃醬汁滲入一磚磚豬紅中，豬紅夠滑，入味又有咬口；韭菜新鮮，食落完全無渣，配埋個潮州辣椒油，真係令人難以抗拒。另外呢碟春菜腩肉 ($68) 亦屬水準之作，春菜味道獨特，帶有微微甘澀味，剛好平衡五花腩嘅油潤感，加上腩肉肥瘦適中，配白粥或佐飯皆宜。食潮州菜又點可以無炸蠔餅 ($88)，蠔餅大大碟，炸至金黃色，熱辣辣上檯，賣相十分誘人。蠔仔夠大粒，漿粉炸得薄而脆，入口鬆化又唔油膩，美味。最後上桌嘅潮州魚飯亦係必吃之選，馬友用鹽醃製再煮熟放涼而食，魚肉十分細嫩，有鮮魚嘅彈性，入口咸度亦啱啱好，配埋普寧豆醬吃，味道更精妙。
每次嚟九龍城，唔係食泰菜就係打邊爐，今日想食下潮州菜，朋友推介城南道呢間「鎔記潮州飯店」，聽講店舖開業多年，口碑一直唔錯。
餐廳佔地兩層，裝修好傳統，環境同一般嘅潮州菜館差唔多，櫥窗掛滿了滷水鵝，而檯面亦擺放了各式各樣嘅打冷食品，滷水鵝隻隻都肥嘟嘟，賣相好吸引。
先整碗韭菜豬紅 ($68) 過下口癮，濃濃醬汁滲入一磚磚豬紅中，豬紅夠滑，入味又有咬口；韭菜新鮮，食落完全無渣，配埋個潮州辣椒油，真係令人難以抗拒。
另外呢碟春菜腩肉 ($68) 亦屬水準之作，春菜味道獨特，帶有微微甘澀味，剛好平衡五花腩嘅油潤感，加上腩肉肥瘦適中，配白粥或佐飯皆宜。
食潮州菜又點可以無炸蠔餅 ($88)，蠔餅大大碟，炸至金黃色，熱辣辣上檯，賣相十分誘人。蠔仔夠大粒，漿粉炸得薄而脆，入口鬆化又唔油膩，美味。
最後上桌嘅潮州魚飯亦係必吃之選，馬友用鹽醃製再煮熟放涼而食，魚肉十分細嫩，有鮮魚嘅彈性，入口咸度亦啱啱好，配埋普寧豆醬吃，味道更精妙。
Post
