🥰 今日相約老友 “傻肥” 去灣仔玩具街買聖誕樹, 沿路見到新店 “正潮樓”, 門面裝修古色古香, 十個讚, 決定一試. 🥢 餐廳設多張圓枱及卡位, 舒適闊落. 今日點咗潮州菜必食嘅鵝片, 鵝肝, 蠔仔粥, 同埋蠔餅.
🦢 滷水鵝片, $168. 鵝片切得好大片, 滷水甘香, 味道略為實淨, 不俗. 豆腐墊底, 點潮州辣椒醬, 掂!
1
🤗 鵝粉肝, 半份, $128. 滷水味滲透鵝肝, 厚切, 口感相對結實, 老友 “傻肥” 話麻麻哋, 我就覺得唔錯喎.
1
🦪 肉碎蠔仔粥, $68. 蠔超級大隻, 味道淡麗.
1
🥟 汕頭煎蠔烙, $108. 口感煙韌軟糯, 食完又唔會飽飽滯滯, 蠔仔份量充足, “傻肥” 讚口不絕!
1
🥰 總結: 餐廳地理位置優越, 喺灣仔地鐵站行3分鐘, 座位舒適, 服務殷勤. 論食物, 滷水鵝片鵝肝屬水準之上, 下次再試其他經典潮州菜式!
