陳儀興尚潮樓 (英皇道)

Open Now

Now Closed

鰂魚涌呢間陳儀興尚潮樓位於英皇道1001號一座新嘅商業大廈7樓，旺中帶靜，環境寧靜，坐得舒服，適合家庭或者朋友聚會。潮州菜嘅餐前小食係咸酸菜同功夫茶，咸酸菜甜脆得黎唔會好咸，功夫茶消滯開胃。護國菜湯, 即係菠菜湯, 綠綠既湯上面放上爆香左既瑤柱絲, 滑溜湯水中帶有濃烈瑤柱味, 有D驚喜.凍馬友馬友肉質鮮美，好嫩好滑，雖然係凍食，但一樣好味，對比大眼雞係另一種口感，各有各風味。鵝三寶有鵝肝、鵝肉同埋鵝腸。鵝肝香濃滑嫩，鵝肉嫩滑有嚼勁，而且去晒骨，好體貼。而鵝腸都好爽口，一d都唔韌，而且份量比想像中多，墊底的滷水豆腐都好好味，又滑又入味。潮州魚丸肉碎煮汕頭白潮州魚旦好滑好爽口，好有魚嘅鮮甜，比出面嘅魚旦更出色，更彈牙，口感更好。湯頭因為有魚旦變得好鮮甜，肉碎同埋汕頭白都好入味。乾貝春菜煲春菜煮得好冧好入味，口感有d似菜心，但比菜心更鮮甜，更軟。乾貝都好鮮甜，配埋春菜帶來另一種來自大海嘅鮮味。呢度嘅潮州菜水準好高，而且非常正宗。環境都坐得好舒適，歎下茶，傾下計，食下潮州打冷，飲返兩杯，咁就係生活。