Read full review
2021-08-16
511 views
很多香港人都愛吃潮州打冷,我當然也不例外,最近就有朋友推介到尖沙咀的「九記打冷.小菜.粉麵」,皆因打冷菜式風味正宗,可嚐到家鄉味道。餐廳位於漆咸道南,店面不大,屬街坊格局,設有圓檯及多張卡座,環境光猛,地方乾淨企理。呢度嘅食物選擇都幾多,除咗傳統潮州菜外,仲有普通小炒, 另外亦有數款全日供應嘅飯餐及潮州粉麵等,價錢經濟實惠。餐廳全日免收加一,至於茶位方面,就每位 $10,前菜每碟 $20。澄海獅頭鵝飯 ($68):呢個套餐非常抵食,包澄海獅頭鵝、滷水豆腐拼花生、是日例湯、白飯或白粥,如果想轉蕃薯粥則須另 +$5。+$9 仲可以配冷熱飲品,+$12 可配凍檸樂。是日例湯為老黃瓜豬骨湯,湯水味道好鮮甜,健脾去濕,清熱解暑。獅頭鵝是潮汕地區特產,鵝肉肥美,肉質軟嫩,有咬口得嚟又唔韌,再加上入口有陣陣滷水香,真係無得輸!墊底的滷水豆腐,外表有層薄薄的脆皮,入口豆味好重,滷得好入味,配埋鹹香嘅花生食,味道好正。另外呢個薑蔥鯇魚煲 ($118) 味道亦一流,一打開煲蓋,熱呼呼的蒸氣即時迎面而來,熱辣辣,香噴噴,十分誘人。魚腩兩面都輕煎過,肉質新鮮彈牙,入口啖啖肉,加上爆炒過的乾蔥同薑,食落非常香
Post