天天海南雞飯 (ELEMENTS圓方)

Open Now

Now Closed

同朋友係圓方行街，行到攰攰地，又係果個經典問題“今晚食咩啊？”。記得有朋友講過附近有間食海南雞幾出名噶鋪頭，順路過去解決晚餐。鋪頭裝修都幾靚，地方闊落，餐具顏值都好高，就餐環境好唔錯。最搞笑噶係，我一下就俾距餐牌個擊劍雞吸引左。既然鋪頭講到海南雞甘正，甘就一定要試下啦，我地叫左半隻海南雞。又真係非常唔錯啊，青檸汁加雞豉油淋落雞上面，個人完全唔需要點其他醬，嫩滑唔柴，最難得係連雞胸肉都好嫩。Btw，個雞豉油有阿媽整豉油雞的味道！！！叫埋個雞油飯黎撈飯，真係無得輸。Ps：雞油飯好評，味道淡淡地，有雞味。另外我地叫左個酸菜石斑，平時都好少試海魚整噶酸菜魚，今次試過，又真係唔錯，魚肉鮮嫩無刺，酸菜簡直係靈魂，酸辣爽口，正呀。就係細份左少少，唔夠猴。椰子水燉湯上場驚艷，入面真材實料，湯好有椰子味。但係個人可能更加傾向於更為清淡噶做法，不過不失啦。