小曼谷泰國美食 (教育路) (Closed)

媽媽突然話想食泰菜，諗起之前係元朗食過一間唔錯，所以就帶左佢黎試下。由於廚師全部都係泰國人，所以呢度既味道好正宗👍🏻蝦膏豬肉碎炒飯 $88炒飯炒得乾身，好夠鑊氣，蝦膏味重，但唔會食到覺得好口渴。配料有蝦米、雞蛋絲、臘腸、洋蔥等，口感豐富泰北燒牛肉 $98叫左七成熟，上枱已經一條條切好，食起上黎好方便，牛肉肉質軟腍，配有特製醬汁，酸酸辣辣，旁邊重有燒菇串燒拼盤 $118豬、牛、雞、雞腎、泰式臘腸、雞全翼各一串，配有沙嗲醬。串燒好有炭燒味，火候控制得好，唔會好乾椰青 $39清甜解渴，飲完刮埋入面啲椰肉食當甜品