小曼谷泰國美食 (教育路) (Closed)

今日行開元朗千色店附近，估唔到係教育路開左間新的小曼谷泰菜，身為元朗人，終於唔洗去到九丈遠的九龍城先有正宗泰菜食～～地方唔算太大，但坐得幾舒服～～泰式青檸梳打酸酸甜甜，配泰菜食好岩味～～椰皇沙冰椰皇味夠出夠香濃～～馬拉盞炒椰菜苗食泰菜必點之一，椰菜苗炒得夠穫氣，味道又夠香，十分惹味～～青芒絲伴筍殼魚主角筍殼魚炸得香炸可口，外皮金黃酥脆，內裏口感嫩滑完全不鞋口～～青芒絲酸酸地，配埋香口的花生及蝦米干，只係配菜已經十分豐富！再加上特製的魚露汁特別開胃！鹽燒虎蝦虎蝦的size 唔算大隻，但燒得剛好，唔會太韌，虎蝦夠彈口，點埋酸甜汁好夾味！食泰菜怎少得泰式炒金邊粉！炒得夠爽身又夠香，配上花生碎及青檸汁簡直錦上添花！元朗必食泰菜一定係小曼谷喇！