新泰東南亞餐廳

Open Now

Now Closed

行完K11有啲肚餓，一出黎就見到呢間好似好有規模嘅泰式菜，竟然擺咗架篤篤喺度😍落到去原來好大好靚，喺尖沙咀來講價錢唔算太貴，一於試吓。🍴鹽焗鱸魚 $128焗嘅時間啱啱好，魚皮非常趣，魚肉仲保持嫩滑，仲好多汁！因為佢只係鹽焗，冇加過多嘅調味料，令到魚肉本身嘅鮮味好出，鍾意食魚嘅人真係啱晒，個人覺得仲好食過明爐烤魚。🍴冬蔭公(小) $78必點嘅冬蔭公，入面超級足料，材料仲多過湯，酸辣同埋香茅味平衡得宜，隻蝦仲幾爽口，一啲都唔霉。🍴椰青 $45本身都有猶豫過飲靑檸梳打，但係最後都係叫返最原始嘅椰青，果然冇令我失望，好大個，勁甜，仲可以筆下啲肉嚟食，正。