Video
Read full review
2018-08-06
811 views
之前經過九龍城見到呢間咁多人排隊就打算下次試下~今次同朋友兩個人去, 因為知道呢間野多人, 座位都唔多, 所以就約早D約左7點, 就唔駛點等位啦! 😄我地今次叫左4款野食, 包括串燒, 菠蘿炒飯, 飛天椰菜苗 同 炸蝦餅呢間餐廳既廚房同串燒係分開既, 廚房唔大, 出野食都有D耐, 而串燒除左堂食一路都聽到有好多外賣單, 串燒都大約等左25分鐘最先黎既係炸蝦餅, 幾爽既, 不過感覺有DD過左火喉同偏油跟住上既係菠蘿炒飯, 炒得唔錯, D飯粒粒分明, 夠乾身! 👍🏻到個飛天椰菜苗啦, 個姐姐話因為D椰菜苗唔夠, 所以俾D芥蘭我地, 由於價格相差20蚊, 我地問個員工咁計幾錢? 個員工就話減返我地10蚊~都fair既!炒得岩岩好, D菜仲幾爽, 不過略嫌油左DD至於D串燒呢, 個沙爹汁幾好味, 另一隻泰式辣汁對我而言就太辣啦....泰國菜黎講都價錢都算中等以下少少既, 不過遲左去既話預左要等位同上菜時間會更耐但係食完果晚成晚都幾口渴, 可能一黎味精多, 二黎泰國菜偏濃味吧?!整體而言不過不失啦!
今次同朋友兩個人去, 因為知道呢間野多人, 座位都唔多, 所以就約早D約左7點, 就唔駛點等位啦! 😄
我地今次叫左4款野食, 包括串燒, 菠蘿炒飯, 飛天椰菜苗 同 炸蝦餅
呢間餐廳既廚房同串燒係分開既, 廚房唔大, 出野食都有D耐, 而串燒除左堂食一路都聽到有好多外賣單, 串燒都大約等左25分鐘
最先黎既係炸蝦餅, 幾爽既, 不過感覺有DD過左火喉同偏油
跟住上既係菠蘿炒飯, 炒得唔錯, D飯粒粒分明, 夠乾身! 👍🏻
到個飛天椰菜苗啦, 個姐姐話因為D椰菜苗唔夠, 所以俾D芥蘭我地, 由於價格相差20蚊, 我地問個員工咁計幾錢? 個員工就話減返我地10蚊~都fair既!
炒得岩岩好, D菜仲幾爽, 不過略嫌油左DD
至於D串燒呢, 個沙爹汁幾好味, 另一隻泰式辣汁對我而言就太辣啦....
泰國菜黎講都價錢都算中等以下少少既, 不過遲左去既話預左要等位同上菜時間會更耐
但係食完果晚成晚都幾口渴, 可能一黎味精多, 二黎泰國菜偏濃味吧?!
整體而言不過不失啦!
炸蝦餅
53 views
0 likes
0 comments
串燒雞翼, 雞腎, 墨丸, 豬肉, 牛肉
$13
54 views
0 likes
0 comments
飛天椰菜苗
59 views
0 likes
0 comments
菠蘿炒飯
234 views
0 likes
0 comments
Post
