捌加廿陸天婦羅居酒屋

Open Now

Now Closed

喺旺角，有間隱世專賣天婦羅既居酒屋，經常人流滿滿，可想言之，呢間餐廳好受遊客同街外客歡迎。平日夜晚都大排長龍，想食最好預先訂位！餐廳門外面好有日式風情，有日本既燈牌，好似置身喺日本。而內裡裝修亦好日式，天花吊住色彩斑斕嘅燈籠、周邊佈滿住poster，非常吸精，氣氛濃厚！ 🥳食物以天婦羅為主，亦有唔少小食、飲品同酒類，感冒緊同生痱滋嘅朋友仔最好好返先嚟食🤣 值得一提，雖然餐廳幾乎所有食物都係炸，但店內完全冇油煙味，非常讚！😚👍🏻1）🍤🦪🍄‍🟫特盛海鮮天丼 - 天丼包括兩隻大蝦、那歌魚、帆立貝、喜魚、四季豆及金菇。賣相非常靚，天婦羅鋪滿成個碗。炸粉唔會好厚，剛剛好，而且炸到金黃色，咬落非常酥脆，外脆內軟。海鮮亦非常鮮甜美味！😍2）🐟鴛鴦鰻魚飯 - 非常抵食！主角蒲燒鰻魚及鰻魚天婦羅。鰻魚厚身，咬落鬆化，有焦香感，啖啖肉，白飯配上蒲燒汁，好滋味！3）🥟雞皮餃子 - 好特別嘅小食，好大塊，雞皮炸到金黃色，入面係滿滿豬肉，肉汁爆滿，非常惹味4）🐓芝麻雞翼 - 用秘製嘅香料製成雞翼，有別於平時放題嘅芝麻雞翼，油香十足，，好和味！