天山小館 (Closed)

喺天后成日食西餐，有時都食到好悶。今日同一個去過新疆既朋友食飯，就去左一間新疆小菜館試下。見到枱上既餐牌，原來有新疆菜同廣東菜，兩款雞都好想試大盤雞係新疆地道平民菜式，喺香港第一次食到，難得有餐廳整，一定要試下啦。落單時問老闆娘會唔會好辣，佢話所有菜色都可以整唔辣，但小辣大部分人都接受到，就叫左小辣一試。有不嗜辣嘅朋友辣到申哂脷，但對我黎講辣度啱啱好，唔食得辣嘅真係要諗清楚。雞肉唔算嫩滑，但採用正宗食材配上新疆辣椒乾同寬粉條襯底，加埋大蒜同洋蔥，辣中帶有淡淡清甜，好有當地風味。不過要注意，份量都幾大吓，夠兩人食。陳醋咕嚕肉係今晚驚喜之作，原本點這道廣東菜只為照顧不吃羊肉嘅朋友，卻成為搶手菜式。咕嚕肉上抬時剛炒好，鑊氣夠，熱騰騰，肉質外脆內嫩，份量看似小小一碟，但啖啖肉都抵食，適合嗜肉嘅朋友。最特別之處係加左葡萄乾，即刻添上新疆風味，葡萄乾又離奇地同甜甜酸酸嘅醬汁夾，非常好餸飯。特別要讚吓侍應生都面帶笑容，勤力主動為客人加茶，而當中仲有聽障人士，係一家良心食店，讚!下次一定要試埋另一新彊名菜手抓羊肉飯。