Chatterbox Café (K11 Musea)

Open Now

Now Closed

係K11 MUSEA消費完，就諗起朋友介紹既呢間海南雞飯，好彩時間尚早，唔洗點等位。文華海南雞飯知道呢度既海南雞好出名，係來自新加坡文華大酒店，特登慕名而來，店員話加$10可轉雞脾，咁我地就加左，海南雞好滑，雞脾肉好嫩，好香雞油味，飯都好有香，好入味，配埋既湯都好濃，好清甜。馬來特色炸豆腐豆腐炸到外脆內軟，外皮只係微炸，剛剛好夠脆卜卜，配埋特製沙嗲醬食，真係好惹味。蒜蓉炒小棠菜小棠菜炒得好香，蒜蓉炒亦保留到小棠菜既鮮甜味。鮮斑蘭蛋糕伴鮮果斑蘭蛋糕好軟熟，好有彈性，仲好香斑蘭味。紅莓鮮果梳打紅莓好香，好清新，夏天飲非常解渴。