Chatterbox Café (K11 Musea)

Open Now

Now Closed

掛念新加坡嘅白胡椒肉骨茶，無奈喺香港搵唔到啱口味嘅湯包。聽聞新加坡🇸🇬文華酒店嘅Chatterbox Café登陸香港，一於去尋覓新加坡口味。🍗文華海南雞飯 $118餐廳已將海南雞去骨，雞肉完整無碎骨。雞肉肉質嫩滑，而且雞皮有彈性。帶甜味嘅醬油彌補咗新加坡海南雞肉味偏淡嘅缺點。再配上三款醬汁 —— 辣椒醬、薑蓉、海南雞飯醬油，食落亦各有特式。🥘白胡椒肉骨茶配白飯 $108色澤偏淺色，白胡椒味道濃郁，伴有少少藥材味，係正宗嘅新加坡肉骨茶。配料有排骨、豆腐卜、金菇，仲有切段嘅油炸鬼。🥚特色鹹蛋雞翼 $58（4隻）鹹蛋黃醬味道濃郁但唔會過鹹。雞肉部份保持鮮嫩多汁。🥥椰子雪糕 $28椰子雪糕味道濃郁，夾雜些少椰絲，口感更豐富。