其實食完晚餐之後已經有啲飽飽地,但係為左甜品要豁出去啦!我地叫左個套餐分甘同味,有抹茶卷,軟雪糕同日本培茶.
先講抹茶卷,不單只大大件,仲要中間嘅抹茶慕絲非常之多,一啲都無偷工減料,食落去每一啖都有好濃濃嘅抹茶香味,令我有一種想快啲去日本既感覺!
然後講個雪糕,固然都係非常之滑同埋非常之濃嘅抹茶味,仲有兩粒小丸子同埋少量紅豆蓉,口感方面有軟有硬,有熱有凍,非常非常之惹味!
至於個杯培茶,濃度剛剛好,飲完只覺得精神為之一振,鬧市之中人人都咁忙碌,如果每一日都可以食下甜品,飲啖培茶,人生就應該係要咁寫意啦!
