今日朋友介紹我黎食港式鐵板，環境完全復刻懷舊港式風，勁有feel，果然冇介紹錯😎做嘢亦係港式風格勁快手，未坐低已經問定飲咩湯同有餐包食，勁開心唔洗等
🍲 羅宋湯
傳統羅宋湯酸甜濃郁，牛肉碎同菜蓉煮到勁淋勁入味，暖胃開胃解油膩，唔似加左味精！
🍲 忌廉湯
忌廉湯奶香濃滑，唔會加咗好多水搞到稀晒，入口暖呼呼，而家天氣轉涼冬日必點！
🥖 餐包
熱辣辣餐包勁軟身，牛油搽上去即刻融化香味出晒黎，配湯食都超搭！
🥩 鐵板煎牛舌拼肉眼牛扒配薯菜
一嚟到已經勁震撼成咗山咁高，大胃王必叫！牛舌原條上，彈牙帶嚼勁；肉眼牛扒鎖汁煎到外脆內嫩，黑椒汁倒落鐵板炸炸聲好耐冇聽過勁懷念😍啖啖牛汁爆燈，鐵板熱力鎖鮮絕對值回票價💥
🥩 鐵板西冷牛扒配薯菜
西冷牛扒肥瘦均衡，煎邊微微炭香，肉質鬆化入口即溶，黑椒汁酸辣開胃，薯菜脆口配搭完美，單食都夠滿足但加埋白飯先係王道！加10蚊大舊飯🍚勁抵食！撈汁食完全無得輸
🍮 甜品啫哩
啫哩彈牙清涼，果味酸甜解膩，加以選擇加唔加奶，食完牛肉後一口清新ending，完美落幕😍
