老川皇

Open Now

Now Closed

黎到旺角，想過下食辣既口癮，於是黎左呢間「老川皇」既正宗川菜店。睇門面都知佢係正宗，裝修好有四川風味。食物方面1）口水雞，辣度尚可接受，好有紅油香，略嫌花生唔夠脆，不過雞都幾嫩口2）水煮鱸魚，呢隻魚算係貴價魚，口感有彈性，而且魚⻣好少，就算有都係d大長既⻣，好容易食。最重要係呢隻魚無乜泥味同無乜魚腥味，岩曬平時唔食魚既人。無得擇辣度，辣度大約係譚仔小辣程度，初初食辣既朋友應該都handle到。整體黎講唔錯。3）燒牛舌，牛舌切得夠曬口，燒落都唔會亁身，調味岩到好處，唔錯4）燒茄子，本人最鐘意呢個，因為佢燒到好有油香，茄子仲保留左好多汁，食落有油香有香料，又帶少少辣。5）金威啤酒，大家唔好睇佢咁cheap，其實係大陸係最好飲既啤酒，苦味偏低，酒精濃度夠高，唔會飲到肚脹都未醉。用黎送辣野一流。