474
41
19
3-min walk from Exit A1, Yau Ma Tei MTR Station
continue reading
Telephone
28878982
Introduction
Most of the food in its menu is spicy, and you can choose for the spicy level.
continue reading
Opening Hours
Today
12:00 - 03:00
Mon - Sun
12:00 - 03:00
Recommended Dishes
中意食川菜嘅，點可以吾知「老川皇」呢🙆♀️以「辣」為名包你辣得過癮，食得滋味😋.甫進餐廳，人頭湧湧，幾乎滿座雖然冇輝煌嘅裝修，情調嘅氣息但可以感受到無比嘅熱鬧～.餐牌當然主打川菜款式更係多到令我眼花瞭亂🙈小菜，麻辣火鍋，重慶烤魚，雞煲水煮類，小炒等等，樣樣都難吾到佢🙈.🔸辣子雞 $90其實最正宗嘅辣子雞就好似呢款咁雞件切到丁狀，再炸至外焦內酥再用大量嘅乾辣辣，蔥花，薑片，胡椒同花椒爆炒而成要係滿碟嘅辣椒中尋找雞丁嘅蹤影食落又麻又辣又酥，勁惹味😍.🔸外婆菜炒蛋 $68相當送飯嘅一道菜色👍將大量嘅乾菜切碎，再同蒜粒，辣椒，蛋花一齊爆炒，口感極好，亦好有嚼勁爽脆又帶香辣，而且好開胃食多兩碗都冇問題呀🙈.🔸三絲炒米粉 $60一拎上枱，香味已經四溢炒米粉有好多配料如芽菜，紅蘿蔔絲，蛋花，火腿肉等等師傅炒得好有獲氣，而且吾會濕食落爽口彈牙，口感豐富.🔸白菜水餃 $34人手包嘅白菜餃餡多富肉汁，餃子皮厚身少少，食落煙韌最正嘅係混入左香辣湯底，大讚👍.🔸串燒串燒可以話係老川皇嘅招牌菜😍四季豆燒得恰到好處，吾會乾，而且好入味粟米食落好香甜呢💕花枝丸入口彈牙，灑上椒鹽香味更濃
continue reading
終於有時間睇復仇4 ，長沙灣睇完戲， 想食啲 惹味嘅餸菜。 諗起朋友介紹過一間不錯的四川菜，所以專登搭返車落旺角。老川皇，有好多唔同款式嘅餸菜選擇， 有辣有唔辣. 因為選擇實在太多, 很多餸菜 也很吸引， 最後花了一些時間,才決定點什麼菜式.宮保蝦仁用料充足，90%都是蝦仁 ， 配上少許花生和辣椒。 酸酸辣辣， 送飯最啱四川名菜樟茶鴨， 必點鴨皮色澤柔潤， 肉質嫩滑， 散發著茶燻香味. 兩個人叫半隻鴨就啱啱好. 唔會太多，亦可以留肚試其他菜式。香辣海蜇， 這味餐前小食非常開胃， 而且分量都幾多， 配上芫茜同埋香辣醬， 真是十分惹味。另外，這裡提供了各式新鮮果汁，啱曬解辣， 而且價格不貴， 比起附近的果汁店還要便宜。雖然冇訂位，但係好好彩， 可能時間仲早，等咗唔係好耐就有位。 下次再來一定要訂定位， 同埋試下水煮魚。
continue reading
水煮魚片($132)揀左最平既$132/斤魚片，魚片唔算多，魚味好少，大部分魚片都有幼長既魚骨，食得無咁暢快。魚片可能煮得太腍定其他原因，一夾就散。同埋尼間水煮魚既配料只有芽菜，係無薯粉，扣左少少分。至於小辣辣度就適中。魚片一夾就散，又有幼長既魚骨，配菜又冇薯粉，真係幾失望，相信唔會再幫襯尼間既水煮魚。可能係因為之前睇食評話1斤魚片都好多，就有少少落差，或者要揀再貴價既魚先好食D?(個人口味: 2.9+ 3.1/10)干鍋黃骨魚($92) 第一眼望落幾吸引，但食落發現，配料洋蔥青椒好多，但魚身得6件左右，超少，又細件。反而有2個魚頭、3條魚尾，失望。但其實落單既時候，我地係叫黃鱔，應該係侍應記錯左。(個人口味: 2.9+2.8/10)貴妃蚌($28)&大元貝($38)貴妃蚌幾爽。大元貝燒得太耐太乾身，蒜蓉味太重，掩蓋左元貝味，麻麻地。(個人口味: 3.1/5) 貴妃蚌 (個人口味: 3.2/5) 大元貝另外叫左白飯($10)同汽水($17)。雖然唔會再叫尼間既水煮魚，但之後有機會想再試下尼間既干鍋黃鱔，同埋串燒，睇下會唔會彌補返今次既失望。
continue reading
咁岩又去開油麻地做野，2點提早收工當然食下辣野慶祝下，一諗就諗起當然去老川皇之前幫襯都係地鋪，不過位置冇咁舒服，佢係對面商場開多間，當然上去舒服食佢有好多款午餐選擇，大約40至50都幾抵食一行2人就叫個涼拌同2個小菜午餐涼伴就叫左香辣伴海蜇，食落好爽口，而且辣辣地，十分開胃小食當然叫小編中意既麻辣雞煲，雞肉食落唔會鞋口，醬汁濃郁仲麻而香辣，十分惹味午餐份量都唔少，一個人都夠飽友人就叫左個水煮田雞，田雞煮得爽嫩，而且加埋水煮既湯底，唔會太熗口，愈食愈惹味小編仲未夠喉，見到隔離食緊酸辣粉，當然唔土卜執輸咁叫一碗肥腸酸辣粉小編好欣賞呢到既紅薯粉，唔會煮得太軟身或太煙韌，岩岩好湯底以酸為主，即使中辣都唔會好辣，肥腸唔會太肥，同紅薯粉一樣唔哂湯既精華，好滋味食辣野最好就飲酒，不過小編唔太中意下午飲小編就叫左杯雪梨汁，飲落唔會太甜仲有d果肉，清熱解渴總括黎講：食物味道不錯，款式多，價錢得宜，坐得舒服🍳🍴味道: 7.5/10👩👨服務: 7.5/10🏠💺環境: 7.5/10💰💸抵食: 7.5/10總消費: $236 (2人)人均消費: HK$120.00 (午餐)
continue reading
如果要用一個詞去形容油麻地，L 覺得用「臥虎藏龍」就最適合不過啦！因為眾多餐廳裏頭都藏着不少廚藝優秀的大師傅。早兩日就約咗朋友來試吓這間老川皇，裝修沒有什麼特別，有點像茶餐廳，但每張枱坐滿人，非常熱鬧。水煮魚片，紅當當的，顏色使人不敢觸碰，裏邊有魚片、海量辣椒和芽菜。夾一片魚片，肉質嫩滑，帶着一點麻辣，而芽菜吸收了湯汁，辣得很惹味。手抓餅，大大塊，而且口感酥脆，又香軟，不會太過油，三兩下手就食晒啦！另外亦點了一些串燒，有韭菜、娃娃菜、粟米，食起來有孜然的香味，且帶少辣。如果有外國朋友來香港旅遊，也會帶他們來試下這種傳統、特別的風味。
continue reading