一杯屋 (Closed)

話說近排食多咗日本野，呢間餐廳都可以話係我近排食嘅日本野裏面，我比較上滿意嘅一間，呢間日本餐廳主要係食牛舌嘅咁當然食牛舌就梗係要食佢嘅牛舌他他啦，呢間餐廳處理得10分好，基本上我都唔使點樣點醬，就咁食落口已經好好食，另外我哋仲order左佢哋推介嘅牛舌套餐，一嚟到淨係睇過相再食落口，就已經覺得10分高質。另外佢哋嘅串燒鰻魚亦10分高質，所以如果大家想試吓正宗嘅日本野，都不妨嚟呢間餐廳試一試，仲有另一樣野提提大家，因為佢哋職員都強調所有嘢都係即叫即整，所以大家要比少少耐性去等啦，不過要食好嘢就係要等呢個係定律嚟㗎啦。