Kailash Parbat

Open Now

Now Closed

中式西式菜食到厭厭地想試d新野，見呢間印度餐廳幾特別，又咁多人推介話好食，呢日一於試下。餐廳裝修好特別，好有印度feel. 食客有唔少都係印度人，可見呢度既印度菜真係應該地道。餐牌選擇都幾多，睇唔明印度文餐單唔緊要，餐廳提供中文版本，唔識揀店員都樂意幫助。因為肚比較餓，叫左個黃偏豆印度香飯，個飯好香香草味，鹹鹹地辣辣地好惹味，加埋個脆卷，相當可口!怕辣既朋友可以加d乳酪係飯度，更加好味!咖喱薯仔包 咖啡微辣，唔同出面普通既咖喱，整得香好多，個咖喱混埋薯仔係入面，牛油包點小小個醬，加小小洋蔥，真係一流既配搭。食印度野點可以唔食佢個naan, 叫左Masala cheese naan，淡淡芝士味，食落煙煙韌韌，唔錯呢！印度旁遮普式咖喱角上菜時真係超隆重🤣 咖喱角好有心機咁放係架車仔入面，個咖喱角外脆內軟，配埋佢特製既鷹咀豆醬，唔錯啊！食完辣野想食個甜品解解辣，印度特色新地味道幾特別，做法唔同平時用純牛奶製既雪糕，口感幾特別，想全面體驗印度菜當然要一試。