7E咖喱王

Open Now

Now Closed

第一次食印度菜，要食當然要食正宗架啦。今次突登黎重慶大廈食印度咖哩。一入重慶大廈，直行轉右再直行，好似閃電夾咁行既路線，見到個lift，搭上7樓E室就到。入到去，見到個外籍staff會好熱情咁接待你，入面啲staff都係外國人黎架，所以大家要準備發揮下HK english la。威化胡椒餅胡椒餅同一碟綠色既醬汁。胡椒餅未點醬，食落脆卜卜，有重胡椒味。點一點綠色既醬汁，初頭食落係薄荷味，後黎感受到有少少辣同胡椒味。濃汁咖喱蝦呢個醬汁深紅色，睇落吓親唔太食得辣既我。呢個醬汁係紅咖哩，醬汁"潔"身，入面有唔少既蝦，蝦肉肥美，醬汁食落有少少甜味，同埋唔係好辣咋。特色香料雞係以一個鐵碗裝住，呢個雞同蝦既醬汁都係紅色。但仔細睇就會知分别，呢個係大紅色，咖哩蝦就係深紅色，當然味道都唔同啦。呢個醬就比較多汁，入面雞塊大大舊。我就鐘意食"潔"身啲既咖哩醬多啲啦。蒜蓉烤餅食印度菜式一定要叫個烤餅呃like。呢個烤餅有3大塊，烤餅上面見到有啲蒜蓉，烤餅軟軟地，就咁食都幾好味，但蒜蓉味偏淡。呢個烤餅可以點啲咖哩醬食。芒果乳酸呢個芒果乳酸虽然見唔到有芒果，但有好重嘅芒果味，有少少酸似濃味乳酪。