Jo Jo Indian Cuisine

Open Now

Now Closed

我法國老闆以前住灣仔，佢勁鍾意食印度菜，所以介紹咗呢間正宗印度餐廳俾我😍餐廳裝潢佈置有濃厚嘅印度色彩，座位多而寬敞，仲有好多窗，幾開陽！ 其實唔算太熟悉印度菜，好彩餐廳都圖文並茂，好方便。前菜係好香脆嘅印度薄餅加三款醬汁南印度素菜班戟（$88）一向都喜歡印度薄餅，今次就試吓呢款班戟。 佢係用米漿，加入洋蔥、香料配菜等，煎得熱🔥辣辣又香口。 最緊要係有三款醬汁提供：蕃茄酸辣醬、椰子🥥醬、蘭度豆咖哩，每款各有特色，我最鍾意蘭度豆咖哩，香滑美味。燒去骨雞柳（$138）雞柳串好大份，加上紅綠燈籠椒🫑、洋蔥🧅、香草，色彩繽紛，賣相好吸引🤩 雞肉燒得好香，肉質保持嫩滑多汁😋 點上檸檬🍋汁，味道更有層次感什果飯（$68）好奇呢款係咪甜品😂 原來係用印度米，再加入牛奶、椰黎、咖哩、菠蘿🍍、腰果、粟米等，食落甜甜地有口感。