天山小館 (Closed)

次次食中餐都係上海菜、潮州菜? 今次帶大家食返餐特別嘅新疆菜 - 天山小館。嚟到呢度, 梗係要食佢最出名嘅羊肉料理。 可惜我個人唔係好好羊肉, 只係稍作嘗試。<羊肉餡餅半份$50> (好味: 4/5) (抵食: 3/5)羊肉餡餅半份, 只係得兩嚿, 分量有啲少, 勝在皮薄餡多。佢嘅外皮好似炸咗嘅餃子皮, 薄得黎又脆卜卜。裏邊嘅羊肉混合左洋蔥, 闢除羊肉本身嘅騷味。 就連我呢啲咁怕羊騷味人都食到, 推薦大家一試。<九轉豬大腸$78> (好味: 3.5/5) (抵食: 4/5)炸豬大腸口感都相當唔錯, 外脆內軟, 裏面塞左一條青蔥, 辟左豬大腸本身嘅內臟味。可惜調味唔係好夠, 減左少少分。<新疆手工湯麪$78> (好味: 3/5) (抵食: 3/5)雖然同伴話呢碗湯麵真係好好食, 但係對於唔鍾意甜椒同羊肉嘅我嚟講, 就真係麻麻地啦。<飄香荷葉飯$98> (好味: 3/5) (抵食: 3/5)荷葉飯份量真係好多, 三個人食足夠有餘。但係荷葉嘅香味同飯嘅調味都唔係好夠, 唔係特別推介。推薦菜色: 羊肉餡餅