玉桃軒酒家 (利舞臺廣場)

Open Now

Now Closed

舊同學聚會約了在利舞臺廣場的玉桃軒飲茶，這𥚃的點心做得不錯。鳳爪啲汁不太稀而且味道好好。千層糕鬆化又不太甜。馬拉糕賣相不錯，尚算滿意。菠蘿叉燒包嗰個菠蘿皮脆、包身則軟熟，裏面嘅叉燒份量亦都足夠，最重要d肉係腍同埋冇肥肉。我們分別叫了蒸蝦米腸粉及煎蝦米腸粉，後者略勝前者，煎得金黃又不會太硬，好味。錦鹵炸雲吞有點過燶，錦鹵汁味道較得不錯，可惜d料不太新鮮。煎鮮蝦腐皮卷外脆鬆化，饀料彈牙。炸雞翼有點過火，肉質很實無味。芋角鬆化不油膩。