Bistro on the Mile

Open Now

Now Closed

今晚我們去咗尖沙咀金域假日酒店嘅「Bistro on the Mile」食自助晚餐！他們推出咗「海鮮自助餐七重奏」！每晚都有唔同嘅特色海鮮主題！今晚係星期六主題係：越南大虎蝦！所以每位人客都有一隻越南大虎蝦！除此之外有開邊凍龍蝦、生蠔、長腳蟹、刺身、壽司、燒牛肉、燒鹹豬手、中式燉湯等等等等⋯⋯越南大虎蝦嘅肉質相當爽口彈牙，醬汁亦好惹味！開邊凍龍蝦嘅肉質極之新鮮同爽滑彈牙，味道非常鮮甜！生蠔唔算肥美，但味道都幾新鮮！長腳蟹嘅海水比較濃，但肉質都幾彈牙！燒牛肉嘅肉質相當嫩滑，牛肉味超濃郁！燒鹹豬手嘅表面燒得非常香脆，入面嘅肉質相當鬆軟嫩滑，鹹香味亦好香濃，但唔會過鹹！中式燉湯嘅都幾足料同火候十足，味道好濃郁！