極尚大喜屋 (鱷魚恤中心)

Open Now

Now Closed

相隔一輪趁節日放縱下又再黎食返餐勁既🤩價錢同之前差不多🙆‍♀️花膠&烏雞湯。老習慣先食下啲養生嘅嘢先，花膠有成兩三大片，啱晒女仔補補佢🤤再嚟飲返碗熱辣辣嘅烏雞湯，湯味都叫濃唔會淡茂茂好似飲水咁🙆‍♀️飲完個人即刻暖返晒ready好開餐😈刺身&泰式生蝦。每樣刺身都叫咗少少黎試，叫幾多片真係黎幾多片唔怕會食唔晒，魚肉夠厚夠爽甜，必叫都係香港人最愛嘅三文魚🍣另外覺得泰式生蝦都好食，鮮鮮甜甜配埋隔離嗰醬好夾，試咗用嗰醬黎點其他魚結果都唔錯😂特色壽司。鰻魚芝士玉子好香，蟹子配帶子連埋個飯唔會太大個，啱晒每人淺嘗一個🙈鵝肝自己就鍾意食，味道濃郁口感即融，但媽媽就略嫌太油膩。乳鴿。難得放題竟然有乳鴿，即刻叫咗隻黎試🤣唔會太油，肉質亦都唔會話好鞋，上到黎仲係熱熱地。炸肥腸。罪惡之選😂配埋麻辣汁，連萵筍同洋蔥都炒得好入味😋炸榴蓮&雞翼。芝麻雞翼好食過串燒雞翼，如果唔夠肚食就建議食芝麻雞翼。炸榴槤外脆內軟夾住好香榴槤肉🥹叫幾多粒就黎幾多粒。甜品味道正常無太特別。