相馬日式火鍋 觀塘 (Closed)

香港地要搵到任食嘅火鍋店相信真係一啲都唔難，不過搵一間高質而且款式多嘅任食日式火鍋，就真係唔算好多啦，今次終於都比我搵咗一間自己非常滿意嘅任食日式火鍋店！就係呢一間相馬日式火鍋啦❤️❤️呢一間火鍋店最大嘅特別之處就係在於款式真係好多元化，無論係肉類，海鮮類，串燒，雞翼，炸物，雪糕都應有盡有！對於選擇困難者嘅人來講絕對冇問題，因為可以乜嘢都食乜嘢都叫下！❤️今次叫咗一個黑白嘅鴛鴦鍋湯底，望落去就非常吸引，而且味道好香濃！呢度嘅海鮮好新鮮，我自己好鍾意食呢度嘅蝦！隻蝦大大隻，而且好彈牙，打邊爐任食嘅蝦來講，呢間餐廳真係算好高質！👍🏻❤️