巢私厨川菜 (Closed)

我同朋友都好錢意食辣，所以我地不時都會搵好多吾同既川菜去試。最近搵到依間係港島區，而且係新開既川菜餐廳，就決定去試下。一上到去個感覺都好中式，而且格局都比咗一個好舒服既感覺我。一打開佢個menu真係款式多到我同朋友吾知點選擇，佢有一啲比較高級既菜式，好似鮑魚、龍蝦。而且，佢都有一啲川菜必有既菜式，好似醉雞、擔擔麵。我地決定叫咗3個菜式加兩碗白飯。首先嚟既係貴妃葡萄，我地比佢個名吸引咗，好好奇究竟葡萄點樣煮成一個菜式。最後，我地試完就知道佢其實吾係葡萄，而且浸咗紅酒既東瓜，因為得浸咗紅酒，所以佢既表面淋咗，好似葡萄咁，而且因爲有紅酒，所以有淡淡既葡萄味。之後叫咗陳醋肴肉，依個菜式都係偏酸，岩岩比大開下胃，而且佢淨係下面黑色個部分酸，所以食起上嚟都會混和翻。叫咗白飯，梗係叫埋撈飯必叫既蟹黃豆腐。豆腐非常嫩滑，而且咸蛋黃既味道真係想撈多幾碗飯。最後，餐廳仲有水果送，服務好好。