八木橋日式燒肉

Open Now

Now Closed

行開T.O.P又想食燒肉, 即刻諗起八木橋日式燒肉。而家經社交平台入面既連結訂坐仲有成人買一送一優惠, 抵到暈。今次都係叫左<霞餐> , 因為<霞>可以同時食埋<雲>同<雪>既食物。一開始店員會上左比目魚同頭盤先, 頭盤有牛肋、薄切牛、鮑魚等等, 樣樣都好吸引,雖然只係上一次，但真係好正！😍M5和牛同其他食物就可以任食, 和牛控既我地即刻瘋狂點和牛。和牛油脂分布平均, 食落重牛味, 質素都有返咁上下。其他肉類仲有羊, 豬同雞, 而海鮮種類都有好多, 例如青口、帆立貝、鮑魚、虎蝦等等, 都算幾新鮮, 食落鮮滑彈牙。另外同場亦有一系列炸物同小食等客人可以邊燒邊食, 真係兩小時任食冇停口!