Video
Read full review
2019-03-26
66 views
幾個各奔前程嘅舊同學難得準時收工，約埋出就腳又多嘢睇嘅旺角食放題。（其實喺油麻地出會近DD）店內環境好舒服，燈光好柔和。 落完第一round order去搵D嘢飲下，除左罐裝呢度有埋熱飲，我呢個酒鬼當然係比兩支清酒同D精美嘅酒樽酒杯吸引啦。仲有好多醫肚小食，不過其實上菜好快，建議一次唔洗叫太多，否則張檯會擺唔曬。 今次點左好多平時放題少食嘅嘢：一人份嘅鮑汁花膠，花膠同冬菇吸曬鮮味湯汁，口感味道都一流。 刺身食得多，壽司更有驚喜。用料新奇珍貴，有海膽蟹膏，仲有牛油果呢D流行食材。加上細細粒的的式式，試勻都唔會太飽。 喺呢度有熏蹄食，加埋自助區嘅泰式鳳爪，好似喺燒味鋪斬料加餸咁，有一種奢侈嘅感覺。 黑糖牛仔肉，黑糖嘅甜味唔會過漏，反而好開胃。牛肉亦好軟滑，食左一舊先拿拿臨影低佢。 食落感覺餸菜類嘅款式比較有工架，最後整多煲蟹粥收尾。咬一啖蟹肉，呷一啖粥，全個消化系統都滿足曬。 仲有另一個胃可以嘆雪糕，呢款係季節限定，好大浸桃味，又滑又香。 埋單唔洗300，款式豐富，醫左我個為食嘴。食飽飽後8點松D，趁旺角嘅鋪頭未收鋪行下街順便幫助消化~
幾個各奔前程嘅舊同學難得準時收工，約埋出就腳又多嘢睇嘅旺角食放題。（其實喺油麻地出會近DD）店內環境好舒服，燈光好柔和。
落完第一round order去搵D嘢飲下，除左罐裝呢度有埋熱飲，我呢個酒鬼當然係比兩支清酒同D精美嘅酒樽酒杯吸引啦。
仲有好多醫肚小食，不過其實上菜好快，建議一次唔洗叫太多，否則張檯會擺唔曬。
今次點左好多平時放題少食嘅嘢：
一人份嘅鮑汁花膠，花膠同冬菇吸曬鮮味湯汁，口感味道都一流。
刺身食得多，壽司更有驚喜。用料新奇珍貴，有海膽蟹膏，仲有牛油果呢D流行食材。加上細細粒的的式式，試勻都唔會太飽。
喺呢度有熏蹄食，加埋自助區嘅泰式鳳爪，好似喺燒味鋪斬料加餸咁，有一種奢侈嘅感覺。
黑糖牛仔肉，黑糖嘅甜味唔會過漏，反而好開胃。牛肉亦好軟滑，食左一舊先拿拿臨影低佢。
食落感覺餸菜類嘅款式比較有工架，最後整多煲蟹粥收尾。咬一啖蟹肉，呷一啖粥，全個消化系統都滿足曬。
仲有另一個胃可以嘆雪糕，呢款係季節限定，好大浸桃味，又滑又香。
埋單唔洗300，款式豐富，醫左我個為食嘴。食飽飽後8點松D，趁旺角嘅鋪頭未收鋪行下街順便幫助消化~
Post
