別忘了

Open Now

Now Closed

📍平時台式任食火鍋都係食開大路連鎖餐廳，今次嚟到俾呢間櫻花主題嘅別忘了吸引，發現性價比極高！除咗包台式小食，基本上餐廳全部20幾款台式手搖都係任飲，包括珍珠同芋圓奶茶，連香芋奶綠都包！今次試咗M7牛胸腹餐(可以揀90/120分鐘) ，除咗牛胸腹，仲包任食M7大米龍(即係後腿肉)、鹿兒島茶美豚梅肉、牛板腱同羊肉卷等。每人仲包一隻蘭王雞蛋，啱晒淥完牛肉點嚟食。2款M7牛肉勁靚同低脂，基本上冇咩肥膏，但係淥完又軟熟又重牛肉味，做gym過嚟食啱晒！豚肉亦都唔肥，食落同樣好軟熟。湯底每人可以揀一款，試咗店員推介芝士牛奶鍋，係用咗紅色嘅牛奶再有乾冰冒煙都幾新奇。除咗肉肉仲有多款台灣小食，蝦卷、蔥肉餅、鹽酥雞、大雞扒同甜不辣等等都有齊，出邊都有酥肉、地瓜條同滷肉飯可以任拎。甜品有自家製窩夫、雪花冰、仙草凍同豆花，另外都可以揀一款Movenpick/榴槤/鮮芒果雪條。