Video
7-min walk from Exit C, Tin Shui Wai MTR Station
continue reading
Telephone
91625716
Introduction
The restaurant name serves as a reminder not to forget everything around us. Inside the restaurant, there is a 'Cherry Blossom Tree' where diners can hang their wish cards. The menu features Taiwanese cuisine, street food snacks, and all-you-can-eat hotpot, with a variety of soup base options available.
continue reading
Opening Hours
Today
11:30 - 22:30
Mon - Sun
11:30 - 22:30
Public Holiday
11:30 - 22:30
Above information is for reference only. Please check details with the restaurant.
About Reward Scheme
📍 「別忘了天水圍」 每次打邊爐都會諗起櫻花，因為依一間別忘了終於開到天水圍啦，之前要去到太和、荃灣先食到，而家終於唔使搭車都可以去到啦！太近啦，真係可以成日都落嚟食，都唔厭嘅打邊爐🍲天水圍有一個湯底係本店限定～芝士牛奶鍋，一上枱已經有一嚿乾冰加芝士，店員會載到火龍果牛奶落去，慢慢倒落去就有煙霧彌漫嘅感覺，再加埋上面嘅櫻花真係好浪漫，而且個湯底仲要係粉紅色，店員亦都會再比一細樽牛奶，如果覺得奶味唔夠或者蒸發咗啲湯底就可以加落去🥛另外我哋係鴛鴦湯底，另一個我哋就揀咗，大量鮮蕃茄熬興（麻辣/不辣）～戀戀番茄鍋。可以減辣或者唔辣，呢個麻辣蕃茄湯底再加米粉真係好索味，好值得一試。米粉嘅幼細吸晒蕃茄加麻辣嘅味道，果然係一流✊呢度仲有牛肉豚肉羊肉都可以食到，仲要係任食，上碟速度好快，兩個鐘頭必定可以盡食肉類🍖一碟6塊，切得薄片，脂肪比例平均，油脂豐富，勝在烚一烚就食得，肉類都算高質！精選牛板腱、澳洲250日穀飼卡樂Beef、日本鹿兒島茶美豚梅肉、澳洲M7大米龍、羊肉片｛唔會有羶味｝小食方面，本人比較鍾意，炸雞翼｛炸完之後仍然Juicy，好有驚喜｝🩷炸雞翼、韭菜豬肉水餃、鹽酥雞 、台灣香腸、宜蘭蔥肉餅等等台灣嘅飲品各式各樣都有齊晒！應有盡有冇得頂，連小朋友鍾意嘅乳酸都會有，果然係一家大細食飯嘅天堂～百香果綠茶、紅西柚乳酸、香橙白桃烏龍、鳳梨綠茶、珍珠奶茶🧋除咗可以點餐之外，出邊仲有自助區！連甜品都有日本雪糕，榴槤雪糕，打完邊爐每一次都要食埋甜品先走💃
continue reading
別忘了台式打邊爐 任食台式小食😜無限追加台式手搖😍🧋🧋天水圍呢間別忘了台式打邊爐，真係帶俾食客一場又暖笠笠又美味嘅火鍋體驗！今次叫咗set B 120分鐘，無限飲食，可以無限追加澳洲M7牛胸腹、澳洲250日穀飼卡樂Beef、日本鹿兒島茶美豚梅肉、精選牛板腱！有鴛鴦鍋同麻辣鍋兩種經典湯底，啖湯又濃又香，配埋新鮮嘅肉類、火鍋配料同時令蔬菜，真係令人食慾大增。另外佢哋個芝士牛奶湯底更加係正到爆，又香又滑，為成個火鍋加多陣濃濃嘅奶香。仲有唔同嘅台式小食同埋台式甜品任你叫，包你食到飽啊！依間台式打邊爐帶畀客人一個暖笠笠又舒服嘅打邊爐體驗，值得一試。期待下次再嚟食過！
continue reading
間中都會黎幫襯別忘了，以前比較多食打邊爐，不過而家夏天比較熱冇咁好胃口，就選擇單叫套餐。經常嚟呢度食係因為佢哋嘅食物水準保持得比較好，收費合理。味道比較近乎台灣口味。而且佢哋嘅鹽酥雞、炸雞扒、排骨等等都炸得比較好食，唔會太過油膩，肉質都保持嫩滑。滷肉飯份量足夠，仲有半隻鹵水蛋，同埋少少辣菜脯。而湯麵嘅湯底一般比較濃郁，有試過牛肉湯同埋蕃茄湯，兩款都好好味，又唔會太鹹。台灣麵嘅面質亦都好彈牙，唔會煮到太淋一pat。不過屋企人就覺得佢今次嘅牛肚有少少騷味，唔好食，可能我配埋湯食就唔係好覺。而家套餐仲包1000ml嘅冰紅茶，超大杯，飲極都飲唔哂😂總括嚟講都係一間性價比較高嘅正宗台灣菜！
continue reading
適逢母親節嘅時候暫時未諗到去邊度食嘢，然之後喺呢間舖頭嘅門口有位女侍應，非常親切地，就邀請我哋一齊入嚟打邊爐式選擇人多味道唔錯同埋我最鍾意就係佢個朱古力窩夫價錢亦都相當之好以天水圍黎講係可以回頭既台式火鍋店
continue reading
天水圍可以話係美食沙漠，不過自從黎過位於天耀廣場嘅「別忘了」之後就對佢念念不忘。呢間台灣火鍋店裝修好有特色，入面有好幾棵仿真櫻花樹，環境相當有浪漫氣氛。午餐時段有60分鐘定量火鍋，以及90或120分鐘放題，定量火鍋肉類唔係任食，90或120分鐘放題就可以無限量添加。我地揀左120分鐘澳洲M7牛胸腹套餐，價錢成人為＄308／位，肉類就有澳洲M7牛胸腹，澳洲250日穀飼卡樂 Beef，精選牛板腱，日本鹿兒島茶美豚梅肉，西班牙粟飼豬梅片同紐西蘭羊肉卷。湯底選擇都好多，我地兩個揀左蕃茄鍋同豬同沙茶鍋，係未放肉類蔬菜之前，先品嚐一啖湯底，蕃茄鍋入口酸酸甜甜好開胃，沙茶鍋沙嗲香味十足，味道亦非常濃郁。係湯底未滾起之前，我地先去自助區拎火鍋配料同熟食。火鍋配料有各式各樣嘅丸類，蔬菜，豆卜，菇，麵等等。至於熟食，自助區就唔多選擇，但可以用app 落單，有各式各樣嘅台式小食，好似花枝丸，鹽酥雞，台灣腸同蝦捲，蝦捲蝦肉鮮甜，台灣腸非常香甜，花枝丸鮮味十足，鹽酥雞酥香脆多汁，香料味濃 相當有台式夜市風味。飲品方面，講得出嘅台式飲品都有，仲可以揀冰量同甜度，非常貼心。好快我地order 嘅肉類就到，而湯底都滾起啦。澳洲M7牛胸腹：牛味香濃，油脂分布均勻，輕輕淥一淥就食得，入口即化茶美豚梅肉：豚肉肉質嫩滑，味道香濃穀飼卡樂Beef：非常新鮮，肉質細膩精選牛板腱：有咬口亦唔會太韌，肉味濃厚火鍋配料方面，墨魚滑最為出色，非常彈牙，極有鮮味。甜品方面試左佢地嘅仙草芋圓，芋圓煙韌彈牙，配埋清新嘅仙草，夏日炎炎食完熱辣辣嘅火鍋食返碗真係勁消暑。除此之外，仲有QQ粉，窩夫同普通雪糕球，另外亦有一次性嘅甜品，好似Movenpick 雪榚，牛奶布丁，韓式雪條，非常多選擇。埋單兩位共$616，食足兩個鐘，算係性價比高。
continue reading