Lunch set 唔算貴，order 咗兩個lunch, 一個橡果級黑毛豬及一個黑毛豬肋條肉煎蛋。Set lunch 有沙律同餐湯，而餐湯係磨碎的椰菜花湯，所以有粒粒口感。沙律都幾豐富，有蔬菜，薯仔同蝦。蒜蓉包熱的，並已擦上牛油，好味!
我地upgrade 咗一個set lunch, 有埋海鮮拼盤。有生蠔，帶子，鮑魚，蝦各一隻同埋一片八爪魚（餐片就話係螺肉，但當時無留意咁多，有嘢就食)。
橡果級黑毛豬出場，嚇了一跳，份量十足，有三塊重疊在一起
，有D什菜伴上。食起嚟都多汁冧身，都唔錯。份量太多，可以的話，我情願要一塊靚D部位，貴精不貴多嘛
。另一個餐黑毛豬肋條肉，份量正常，有飯，太陽蛋同什菜。豬肋條肉相對再冧D，肉質感唔錯
，同橡果級黑毛豬有不同口感同甜味。都不防試下。甜品精𠊷，杏仁蛋糕好香杏仁味，一口一件，都好足夠，飽肚有餘。
有機會都會再嚟試下其他lunch set 或晚餐 。
1
