女人街食飯公司

Open Now

Now Closed

呢一日同同事去食飯，佢哋提議去食大排檔，同事book枱後，一上到去就好快有位，好彩有book枱咋，因為見到門外有唔少人都等位排隊。一嚟就叫咗個滷味拼盤做前菜，墨魚鴨腎都好爽口彈牙，好有香味！竟然見到有傳統嘅砵仔焗魚腸，當然要試吓啦，食落一啲都唔腥，有少少陳皮同芫荽嘅香味，雞蛋焗起嚟唔會太老，配合埋魚腸食真係正！黑椒牛柳粒好香口，好有黑椒味，配埋蜜汁薯仔好啱送飯，唔錯！豉椒炒大蜆絕對係大排檔必食嘅菜式，呢度嘅蜆每隻都有手指公咁大粒，豉汁味好惹味，蜆肉鮮甜爽口！最後整多個豉油王炒麵同通菜，估唔到四個人都食到咁多嘢，今餐食得好滿足！