金蘭花泰國菜 (Closed)

喺修頓打完波，換完衫大家諗食乜野。都未有idea已經即刻落去金鐘方向行，好肚餓。本來話行去PP睇下有咩食嘅，不過沿路行緊周圍望時見到有間泰國餐廳，大家都話有興趣，咁就上咗去食啦。入面裝修佈局都係簡約為主，無乜太多花巧嘅裝飾，咁應該係顯示餐廳比較著重食物質素，唔會係俾錢食裝修。炒金邊粉夠鑊氣，份量都唔少，甜甜酸酸好開胃大拼盤有炸蝦餅、炸魚餅、雞翼、春卷等，最推介炸蝦餅，外脆內軟泰式炒通菜，炒得好惹味，送飯一流，空口食就比較重口味最尾點咗幾款甜品大家一齊share，椰汁糕同千層糕正正常常，芒果糯米飯好好食，芒果好甜，咁多款入面係我嘅favourite。