Cubus 28 (Changed Hand) New Restaurant

Cubus 係一幢位於銅鑼灣利舞臺後的有好多美食的大廈，今晚就同朋友來到最高層28樓的Cubus 28食晚餐。餐廳居高臨下，有落地玻璃窗，可以望到維景夜景，環境舒適。餐牌提供多款中西fusion 的菜式，款式吸引。燈影紅曲米牛腱，$98，牛腱切得好薄，肉質入味煙韌，咬落有口感。櫻花蝦避風塘茄子，$108，茄子嫩滑多汁，味道清新。花膠螺頭片波士頓龍蝦湯，$168，湯底濃厚，龍蝦味香濃，用料豐富，有花膠，螺頭片同龍蝦肉。竹笙如意海皇羹，$128，湯底清甜，有蟹柳，冬瓜肉粒，爽脆的竹笙等。阿拉斯加蟹金柱蛋白燴飯，$188, 飯粒煮得入味，軟稔，飯粒分明，炒得入味。金沙芥末鴛鴦蝦球，$168, 蝦球大隻厚身，咬落爽口香甜，金沙味道油脂味香濃，咬落惹味，而芥末醬帶有少少微辣，味道創新。脆皮意大利風乾火腿蘿蔔糕面果醬，$88,外脆內軟，熱辣辣，蘿蔔味濃郁。竹炭金萡蝦餃，$78,蝦餃皮薄餡多，蝦肉份量多，新鮮嫩滑。叫咗兩杯飲品，Matcha-cha,有酒精，賣相好靚，通透清澈，面有少券紅色的花碎，點綴好靚，Wildberry dream,無酒精，有多款berry 的味道，香甜美味。