Video
Read full review
2017-08-27
316 views
要數最常去既中菜酒樓, 樂天皇朝就係其中一間, 除左招牌八色小籠包外, 各款小菜大部份都合我口味而且價錢合理, 今次決定黎奧海城同樣係樂天系列既樂天經典, 菜式就完全截然不同, 唔再係上海菜, 但都無令我失望。 平日夜晚七點左右黎, 人數唔多, 有得坐風景位, 好少可去商場酒樓食野會有海景睇囉…哈哈不過好彩早到, 過多差唔多半個鐘已經坐得七七八八, 所以最好book定位 一坐低就有既前菜!!同樂天皇朝一樣, 都係呢個花生同栗子, 上次食過已經好難忘, 淋得黎好入味, 今次有得食返好開心~~~ 不過留意返要收到$15架! 老婆粉 (小) $98見餐牌上大大幅圖寫住呢個老鼠粉, 叫左窩細既黎試。雖然係細窩, 但實物完全唔覺得係細…三四人分都仲OK! 店員見我影相, 就話原來食呢個粉要趁熱將生蛋打勻, 營造出蛋花既效果, 幾新奇喎!所謂老鼠粉其實係似銀針粉, 好耐無試過係出面食到銀針粉, 依然同記憶中既一樣彈牙, 但無之前食既咁粗身, 配料都唔少, 海鮮例如蝦同魷魚都唔少, 大隻又夠爽, 仲有唔少菇片, 本身湯味道主要以鮮甜為主, 不濃不淡, 但原來加左另上既咸魚茸青檸汁, 成件事即刻唔同左
平日夜晚七點左右黎, 人數唔多, 有得坐風景位, 好少可去商場酒樓食野會有海景睇囉…哈哈
不過好彩早到, 過多差唔多半個鐘已經坐得七七八八, 所以最好book定位
一坐低就有既前菜!!
同樂天皇朝一樣, 都係呢個花生同栗子, 上次食過已經好難忘, 淋得黎好入味, 今次有得食返好開心~~~ 不過留意返要收到$15架!
老婆粉 (小) $98
見餐牌上大大幅圖寫住呢個老鼠粉, 叫左窩細既黎試。
雖然係細窩, 但實物完全唔覺得係細…三四人分都仲OK! 店員見我影相, 就話原來食呢個粉要趁熱將生蛋打勻, 營造出蛋花既效果, 幾新奇喎!
所謂老鼠粉其實係似銀針粉, 好耐無試過係出面食到銀針粉, 依然同記憶中既一樣彈牙, 但無之前食既咁粗身, 配料都唔少, 海鮮例如蝦同魷魚都唔少, 大隻又夠爽, 仲有唔少菇片, 本身湯味道主要以鮮甜為主, 不濃不淡, 但原來加左另上既咸魚茸青檸汁, 成件事即刻唔同左, 咸魚味好突出之餘估唔到同青檸既酸味幾夾!
當歸花菇雲耳驢魚片長$108
驢魚片兩排並列於碟上, 約十件左右, 魚肉層次分明, 蒸既時間岩岩好, 口感鮮嫩滑溜, 浸住既汁反而當歸味不濃, 所以最突出都係魚味, 面既雲耳同金菇等配料連埋魚食好正~
金銀蛋菠菜 $83
菜類選擇不少, 大部份都係炒菜, 揀左呢個較為清淡既菜, 面既咸蛋同皮蛋量好多, 足以覆蓋成碟波菜喇~~~ 本身見咁多蛋驚會好咸, 點知相反, 原來幾淡味。蛋白包住唔少肉碎, 仲有啲炸蒜!不過味道再咸啲會更好，咸蛋味唔夠突出。
咖啡脆雞 $92
無諗過係中式酒樓都有得食炸雞, 仲要係咁特別既炸雞!!!!
雖然叫左細碟但都有八件左右, 兩人分好夠, 但其實主要係比我食哂XDD 雞件得好少骨, 可以話係啖啖肉, 而且仲好滑口。未食真係估唔到咖啡點樣可以同炸雞撈埋, 咖啡味其實並唔太濃烈, 但有果種令人好過癮既隱隱澀味, 微苦中帶甘甜好獨特既味道, 而且皮幾脆身又完全掛汁, 炸雞控表示好滿意呢!!!!
砂煲天麻黃酒雞 $98
都話我係雞控黎, 炸雞一碟都未夠滿足我, 唔想叫普通蒸雞所以叫呢個黃酒雞, 雞件同樣都係有六七件, 不過相對骨就多D, 肉質無炸雞咁滑身, 可能因為煲過煮得耐, 所以偏向似湯渣果種雞肉, 不過都岩我食。
反而最驚喜唔係啲雞, 而係浸住啲雞既酒湯!!
明明食落啲雞肉既酒味唔太濃, 但飲啖湯發覺好似飲緊酒咁!! 朋友仲講笑話會唔會飲完醉左XDD
三色桂花斑蘭糕 $36
三層甜品幾靚~ 面層既桂花糕有唔少杞子, 味道偏甜但清新, 濃既程度同下層既椰汁味道相若, 不過斑蘭味道就唔多食得出, 淨係見到層綠色~
Post
