榮式燒雞扒

Open Now

Now Closed

今日午飯臨中午落班時候先話有份緊急文件要幫手送出去，好喇，唯有犧牲我少少休息時間去做公事喇，睇嚟我係最佳員工，自娛自樂一下，做完公事就要盡快穩地方醫肚喇。見榮式燒雞扒好多人，而且店入邊貼左幾多明星嘅相，肯定好唔錯。店名都叫燒雞扒，就嚟一份燒雞扒飯，外加一杯檸蜜，雞扒飯$50左右，上臺嗰時嚇左 我一跳，唔係一般大份啊，成件雞扒都可以遮住曬D飯，雞扒烤得好靚，外焦內嫩，味道好香濃，又多汁，係快餐中食過最好食嘅雞扒喇，大件夾抵食，如果公司離呢度再近少少，估計我一星期會過嚟兩三次，真係覺得唔錯。