Video
Read full review
2022-08-26
32 views
朋友話帶我去食好野😚緊係跟啦❤️每個月總要獎勵下自己🤪☪️三日月極上一人前鐵板餐 $798➰前菜三小點 《豆腐 ·茄子·煙燻雞肉刺身》推介我由豆腐食起，上面加咗啲炒過嘅芝麻，勁香😳第一次食雞肉刺身，有淡淡煙燻味，幾特別➰海葡萄沙律之前係沖繩食過海葡萄已經想食多次🫶🏻覺得好有特色，口感清爽，咬落去有啲似蟹子，味道就似中華沙律➰刺身三點《紅蝦·吞拿魚·油甘魚》三款刺身都好新鮮，擺盤精緻➰季節時令生蠔生蠔唔係講笑，有成手板咁大隻，肥美多汁➰鐵板燒北海道帆立貝帆立貝比想像中大隻，兩面都燒到金黃色，但係完全唔會乾，鮮甜嫩滑。個底鋪咗少少菠菜，仲可以鎖住鮮味➰茶碗蒸茶碗蒸入面加左一浸黑松露油，啲香味直頭係個口到滲出黎‼️每一啖都香而幼滑🤤➰鐵板燒日本野菜每一款都帶有鐵板燒香氣，更加有食菜嘅衝動😆➰帝王虎蝦賣相真係好吸引，擺盤好有心機🫶🏻排到整整齊齊，砌返一隻蝦形出嚟🦐第一啖食落去真係刺激到味蕾，蝦油同蝦膏係個口到爆發出嚟，一啲都唔誇張😍蝦肉新鮮結實💯➰紐西蘭羊架四款入面店員就推介羊架🐑羊架有兩塊，會預先切好先上碟，肥膏唔多，肉質鮮嫩亦都唔羶，夾住蒜片一齊食仲惹味➰鐵板炒飯 & 味噌湯炒飯加咗勁多櫻花蝦係
☪️三日月極上一人前鐵板餐 $798
➰前菜三小點
《豆腐 ·茄子·煙燻雞肉刺身》
推介我由豆腐食起，上面加咗啲炒過嘅芝麻，勁香😳第一次食雞肉刺身，有淡淡煙燻味，幾特別
➰海葡萄沙律
之前係沖繩食過海葡萄已經想食多次🫶🏻覺得好有特色，口感清爽，咬落去有啲似蟹子，味道就似中華沙律
➰刺身三點
《紅蝦·吞拿魚·油甘魚》
三款刺身都好新鮮，擺盤精緻
➰季節時令生蠔
生蠔唔係講笑，有成手板咁大隻，肥美多汁
➰鐵板燒北海道帆立貝
帆立貝比想像中大隻，兩面都燒到金黃色，但係完全唔會乾，鮮甜嫩滑。個底鋪咗少少菠菜，仲可以鎖住鮮味
➰茶碗蒸
茶碗蒸入面加左一浸黑松露油，啲香味直頭係個口到滲出黎‼️每一啖都香而幼滑🤤
➰鐵板燒日本野菜
每一款都帶有鐵板燒香氣，更加有食菜嘅衝動😆
➰帝王虎蝦
賣相真係好吸引，擺盤好有心機🫶🏻排到整整齊齊，砌返一隻蝦形出嚟🦐第一啖食落去真係刺激到味蕾，蝦油同蝦膏係個口到爆發出嚟，一啲都唔誇張😍蝦肉新鮮結實💯
➰紐西蘭羊架
四款入面店員就推介羊架🐑羊架有兩塊，會預先切好先上碟，肥膏唔多，肉質鮮嫩亦都唔羶，夾住蒜片一齊食仲惹味
➰鐵板炒飯 & 味噌湯
炒飯加咗勁多櫻花蝦係入面，成個飯都係粉紅色，好少女心💕食到一半仲可以加茶漬落去變成茶漬飯，個人就比較鍾意茶漬飯嘅口味，又濃郁又軟糯
➰甜品🍨
最後食埋個紅豆雪糕🫘入面加左焦糖脆米同士多啤梨脆米，十分滿足😚
Overall嚟講冇乜可以挑剔，值得一試🌟見到人哋食和牛都好靚，下次試❤
Post
