鳥鑫

Open Now

Now Closed

一開始侍應已經已經唔友善嘅態度，去介紹佢哋嘅菜式，我哋五個人食咗$2759嘢，等佢哋一轉台燈，等到100分鐘，個侍應仲好串咁樣話，係呀要等100分鐘㗎，我哋一張大單，佢警告我哋要一次過嗌晒，如果唔係要等好耐，但就算我哋嗌晒，佢都係先服侍隔籬枱，然之後先上埋我哋啲嘢，我哋追咗三次單，佢話10分鐘之後有，我15分鐘之後問佢，佢話仲未得，要再等10分鐘，明白串燒要等，但我哋6.3入去，到八點，仲有四樣嘢美麗，最離譜嘅嘢係佢話燒菠蘿要20分鐘，即係話佢需要兩個鐘去燒一串菠蘿，態度差到離晒譜，食物一般串燒，冇乜特別， $600一個人算係合理，但係要食埋先前嗰啲黑口黑面簡直不知所謂，如果想食一般嘢，但係貼錢買難受，比啲侍應黑口黑面，咁你就千祈唔好去，極度差嘅一次體驗