阿爺燒鵝餐室 (Closed)

今日係大圍做完野好想食燒味，之後揾到呢間幾高人氣既燒味店幫襯。由於揸車嘅關係，所以就叫外賣拎走，怕食食下加餸食多張牛肉乾。外賣餐單啲款式都幾多，而且仲有啲套餐可以叫，最後叫咗極尚脆乳豬五寶飯。極尚脆乳豬五寶飯 ($93) : 盒飯既 Size 係最大 Size 既外賣盒，啲餸就有乳豬、貴妃雞、叉燒、紅腸、鹹蛋同菜，每款肉類大概都有五至六件 ; 乳豬入口香脆鬆化，好似食薯片咁，阿媽夾咗二件食都話唔錯 😝 叉燒肥瘦適中，而且幾有光澤，肉味香濃之剩重有陣陣豬油的甘香。