174
5
5
4-min walk from Exit A, Tai Wai MTR Station continue reading
All Branches (2)
Telephone
28100138
Introduction
Located in Tai Wai, the Hong Kong style tea restaurant offers a variety of Hong Kong style tea meals, especially recommended barbecue, many diners recommend their Char siu and roast pig. continue reading
Opening Hours
Today
07:00 - 22:00
Mon - Sun
07:00 - 22:00
Payment Methods
Cash Octopus
Review (190)
今日約咗班朋友去咗踩單車🚴‍♀️踩到大概五點幾 去到大圍還車嗰陣見到阿爺燒鵝餐室❤️❤️之前一路都已經好想試見踩完咁攰所以嗌外賣返屋企食🤤🤤🤤咁我就叫咗二人份量 俾大家睇吓啲餐牌先1️⃣鵝油撈麵 HK$53 我就加咗$10要餓胸肉🤤🤤🤤啲燒鵝個皮好脆 咬落去啲肉好嫩🤤🤤而佢個麵 會配埋碗細細地嘅湯 外賣返到去只要你加返少少湯落去就唔會結👍🏻👍🏻👍🏻2️⃣玫瑰油雞飯 HK$38 佢哋嘅油雞同燒鵝一樣啲肉都係咁嫩 口感好好雖然係油雞但係我覺得一啲都唔肥 食落去唔會反感👍🏻👍🏻👍🏻 我呢個揀咗飯 開頭以為外賣拎到返去啲飯唔好食 點知出奇地啲飯又冇硬喎 配埋啲姜溶食簡直一流👍🏻👍🏻👍🏻3️⃣半斤叉燒 HK$65 呢度啲叉燒半肥瘦適中 切得大細均勻 色澤亦都做得好靚 望落去個樣已經好吸引 同埋佢半斤黎講都好多㗎喇 佢又唔會做得太甜 味道適中 👍🏻👍🏻👍🏻4️⃣凍檸茶少冰 由於我哋嗌左兩個下午茶餐 所以每杯凍檸茶加$3就可以 飲品最主要都係個茶底 而佢個茶底唔會做得好苦澀 所以佢嘅凍飲都係高品質👍🏻👍🏻👍🏻總括嚟講 我對你間餐廳評價都幾高 去到嘅環境已經比我覺得好乾淨 而且收銀姐姐態度都好好因為嗰陣我考慮食啲乜 佢都有介紹邊啲係招牌菜同埋等外賣嘅過程亦都唔耐 食物品質高 而且乾淨衛生 👍🏻👍🏻👍🏻👍🏻如果下次排隊我都會再試因為呢度食物嘅種類都比較多✌🏻✌🏻✌🏻✌🏻 continue reading
(The above review is the personal opinion of a user which does not represent OpenRice's point of view.)
Level4 2021-04-13
556 views
大圍阿爺燒鵝, 店舖內裡雖然 唔係好大 ,但係堂食定外賣都 做到停唔到手, 傍晚時分黎晚餐外賣 , 無論係堂食定係外賣都 好多人幫襯 。 因為材料足, 街坊價錢, 套餐/燒味飯都cp值高。超值套餐 包飯包小食包菜包埋飲品或者例湯, 58蚊真係超豐富。主食揀左燒腩仔, 層皮燒到卜卜脆,而且肥瘦相間, 唔會剩係得瘦肉硬柴柴。小食可以係紅腸/燻蹄/排骨各選一款, 燒排骨有叉燒醬甜甜的味道,肉質腍滑,無多餘脂肪。還有菜疏涼拌雲耳爽口, 加入少少芥末味更覺開胃 。而老火例湯料多十足, 隔油功夫也做得好, 飲完唔覺有味精。阿爺燒鵝飯53阿爺燒鵝飯 係必點的吧 。 看見窗口一隻隻燒得通紅的燒鵝, 睇見就已經口水直流 。燒鵝外皮深紅富光澤, 而且皮外看得出 一格格的紋理,燒鵝肉味濃,咬落多皮脆卜卜又夠肉汁。鵝油香味滲進飯裡,超下飯。瑤柱清遠雞瑤柱清遠雞一上手就知勁重, 買返屋企斬料加餸都只係78元,回家打開蓋見到隻雞大隻又實肉,滿滿一大盒,咬落去就知肉質爽口唔會霉,雞脾雞胸啖啖肉,雞味又夠濃,抵過自己整啊。 continue reading
(The above review is the personal opinion of a user which does not represent OpenRice's point of view.)
Level8 2021-02-25
2983 views
今日約咗朋友行上獅子山,由大圍出發,直接行上「紅梅谷」起步,由於今日嘅拍檔都喺行山好手,所以,一股作氣上到獅頭,比預計嘅時間快。起步前就約埋一齊先食個晏,揀咗「阿爺燒鵝餐室」,因為老友推介佢哋嘅鵝油撈麵。 門面有啲似中菜館,但入到去其實同茶記差唔多,左右兩邊喺卡位,中間就一張張4人枱,餐廳尾牆上印有個大大隻「阿爺」嘅招牌,此外,裝修都喺走簡約路線,最緊要喺地方乾淨企理。仲唔喺茶記模式,所有餐具、紙巾、調味包就放晒晌枱下嘅橫拉櫃桶,比起就咁放晌枱面衛生啲。短短半個鐘頭嘅用餐,見到唔少街坊幫襯,翻枱轉數都幾快、幾密。食物方面,除晌茶記常見嘅常餐、特餐、一人餐、二人餐……等等之外,其餘嘅就哋碟頭飯,不過,就以自家製燒味作唔同組合。 仲有一款超值套餐,包小食、主食、蔬菜及餐飲,只喺$58,真喺好划算。但一心一意嚟食燒鵝,但呢個餐無得揀,所以,就選番另外啲碟頭嘢。阿爺燒鵝火腩仔雙拼飯 $62老友要「浪漫」,所以,揀咗燒鵝拼火腩仔,由於一陣食完就起步,故此改為少飯,嚟到嘅碟頭真喺餸多過飯。燒鵝嘅味道等陣由我分享,但佢話啲燒腩仔真心唔錯,切成細細嚿,一口一嚿啱啱好,肥瘦相間得嚟,又唔會太多見膏,鹹香而鬆化,外皮仲喺卜卜脆。 阿爺燒鵝叉燒雙拼鵝油撈麵 $72小弟就揀咗叉燒拼燒鵝,如一般麵店咁,嗌撈麵都會奉送一碗清湯,但呢碗絕對唔喺清湯,雖然唔知喺乜,但濃而不濁。先試啲燒味,叉燒唔太肥,啱我,既有蜜糖香,又加少少濃邊,好食。燒鵝果然喺主打,外皮有光澤,咬落皮脆肉嫩,仲帶點點煙燻感嘅油香,沾點酸梅醬,令燒鵝食起嚟更有風味。蠔油撈麵食得多,鵝油撈麵就第一次,麵條撈咗鵝油,出奇地唔覺話好「油淋淋」,反而,又真哋香咗好多,聽人講話鵝油有益,真喺未查證過,唔知堅定流。熱奶茶、熱齋啡睇餐牌啲碟頭嘢無話包嘢飲,問問阿姐,其實喺包基本熱飲,轉凍飲或特飲就慣例加錢。諗住喺「茶記」,熱奶茶喺穩膽,但今次例外,杯奶茶一般般,茶底未夠香,反而,友人話佢杯齋啡幾好,香醇唔帶酸味,合佢心水。 見佢哋午市真喺客似雲來,所以,都費事抖大耐阻人做生意,食飽真起行,向獅山進發。 continue reading
(The above review is the personal opinion of a user which does not represent OpenRice's point of view.)
Level4 2021-05-19
71 views
#cassiegotaiwai-瘦編間中都會收工買啲燒味返屋企加料,屋企人又唔洗煮飯咁辛苦。今次係大圍做完野行去地鐵站,見到有間都幾多人等緊位嘅燒味餐廳,就決定買啲料翻去。門外Menu展示得好清晰,可以係門口慢慢諗,諗好再去門口收銀位落單。-我買咗一斤脆皮腩仔加半隻貴妃雞。脆皮腩仔好正,個皮好脆,油層好厚,肉質好嫩好juicy,岩哂鐘意食肥啲嘅我。貴妃雞食落雞皮好爽口,肉質嫩滑,推介俾大圍嘅街坊!-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 阿爺燒鵝餐室 (大圍)📍 大圍大圍道1-35號金山樓地下11A2號舖- continue reading
(The above review is the personal opinion of a user which does not represent OpenRice's point of view.)
屋企人都好鍾意食燒鵝,所以基本呢個禮拜都會食一次☺️☺️佢嘅燒鵝燒得勁脆皮😋😋,就算外賣拎返屋企,皮都唔會軟,好香荔枝柴味,啲肉質都勁鮮嫩多汁🤩🤩試過擺隔夜,啲肉都係咁好食。佢比我喺街市買嘅燒鵝高質得多,🥰🥰每次加餸既首選 continue reading
(The above review is the personal opinion of a user which does not represent OpenRice's point of view.)