Waki Shokudo (Garden Rivera)

沙田大圍唔去大型商場去食小店都幾方便，今次黎到呢度試下出名嘅人氣小店和氣食堂。因為佢地本menu 車在太厚太多選擇，所以後生嘅都會用QR code 落單，年紀大啲嘅伯伯婆婆都可以就咁叫職員寫單。食物種類實在太多，沙律、前菜、刺身、壽司、卷物、魚生丼、丼飯、炸物、鍋物、泡飯、烏冬、串燒，唔知仲有無數漏，估計成3百款食物都有，選擇障礙嘅我決定叫多啲嘢食。

叫咗電擊雞翼、呢度嘅名物脆脆燒三文魚皮、五點刺身盛、黑松露鵝肝帆立貝卷、另一樣名物鯛魚湯泡飯。 

電擊雞翼好快就上枱，佢係凍食嘅，只係炸完再沾糖漿再雪冰返，所以一咬落去就會好似咬嚿冰沙嘅刺擊感覺，口感都幾得意。 

電擊雞翼

$32

電擊雞翼

脆脆三文魚皮就係夾住三文魚皮黎燒，三文魚皮本身都幾香脆，唔似港式炸魚片咁卷起同帶油，配埋椰菜嚟食，送酒一流。 

脆脆燒三文魚皮

$28

 
跟住就係五點刺身，分別有甜蝦、三文魚、油甘魚、帆立貝同章紅魚薄切，帆立貝好大隻同都幾鮮甜，甜蝦都係有蝦味同爽甜，三文魚油甘魚都好肥美，章紅就有𡁻口，整體咁多樣都好味，而佢地用嘅wasabi 都唔太攻鼻刺激。 

五點刺身盛

$208

黑松露鵝肝帆立貝卷，一上枱已經好香黑松露味，咬落除咗黑松露味仲有陣陣鵝肝味，重口味嘅人好啱食。 

黑松露鵝肝帆立貝卷

黑松露鵝肝帆立貝卷

最後就係鯛魚湯泡飯，上嘅時候個爐係熱嘅，所以要襯佢熱嘅時間加湯落去，魚湯係超級香，加晒落去之後就要攪勻，過咗一陣飯就會吸收晒魚湯嘅味道，個人感覺如果魚肉唔泡咁耐嘅唔會overcook。食落啖啖魚香味真係好食嘅。 

鯛魚湯泡飯

鯛魚湯泡飯

加埋兩杯野飲，草莓番石榴熱情果梳打比較特別嘅，唔太甜，佢用嘅亦都係貴啲嘅lemonade，幾好飲。 

埋單走果陣見到好在我地今日好早黎，到食飯時間已經好多人等位，而真係overall 幾抵食又好食，選擇又超多，值得黎試下。