北海道食堂 (Closed)

日本就去唔到啦，去北海道～～～～食堂過下癮先啦😌😆埋單都唔洗$300一位，位於市中心沙田，方便又抵食既放題真係非佢莫屬！🍽呢間放題得2個價錢㨂，一個係極上$268，一個係極盛$298，2款食物種類差唔多：有壽司、手卷、魚生刺身、鐵板燒海鮮、串燒、炸物、料理、沙律、火鍋，應有盡有😍因為款式相差無幾，咁我就㨂個平啲既試下啦🤣🤣呢間放題既玩法就係每枱有張膠片，每次落單用油筆mark想點既數量，咁店員落完單就會抺走，再比返我下次落單，過程簡單易明，相比傳統放題，不停用紙落單，係環保好多👍🏻👍🏻餐廳出奇地冇咩油煙味，就算佢既鐵板燒係係正中央open kitchen形式去準備食物，抽風系統做得好👍🏻我食都食得開心😃飲品有2大雪櫃任拎，連啤酒🍻都係任飲😆啱晒啲酒鬼，實回本！🤣🤣仲有一個雪糕櫃，有雪米滋，好懷念呀🥰食物方面，魚生新鮮，唔好雪到好硬未解凍咁，又唔會暖既，放係室温好耐咁，質素幾好😋鐵板燒海鮮味道係好既，但可能得一個師傅做唔切，變左有啲攤凍左🙈天婦羅新鮮炸起，可以再滾油啲，仲脆😄👍🏻最鍾意❤️火鍋，啲肥牛比得一啲都唔孤寒，勁多，又唔係全肥，正呀😍encore左幾次，配埋烏冬👍🏻👍🏻樣樣都試小小