Sweetheart

Open Now

Now Closed

終於都放寬返晚市堂食禁令啦!!!!即刻約返朋友出嚟食返個糖水先啦🤤呢間甜品舖位置位於鱟地坊地舖嚟，旁邊有幾間賣水族用品嘅舖頭，地方唔算難搵。椰皇桃膠(熱) $45大約等咗10分鐘就上枱，一上到枱，椰香味就即刻湧晒出嚟。食落去椰味十足，仲配埋健康養生嘅桃膠，真係健康人生呀🤣雖然佢個名冇寫到係有燉蛋白係個底到，但係個蛋白完全唔會過甜，令人想一啖接一啖咁食晒佢；就算俾你食完成個桃膠燉蛋白，成個椰皇殼嘅椰肉都留返俾你食，真係一個令人相當滿意嘅甜品，讚👍🏻芒果班戟 $28芒果班戟相比之下就中規中矩，就冇乜特別。