Sweetheart

Open Now

Now Closed

樓面完全冇職員，全世界喺哂廚房到到有職員出嚟就淨係同我講：「嗰度嗰度」心裡面想請問嗰度即係邊度？問佢係邊張檯又無反應好似唔識得應人咁埋到張檯，啲嘢都未執就叫人坐低，執完又唔抹檯，衛生情況真係非筆墨所能形容叫咗兩個甜品，椰皇燉乜乜嗰個係完全冇椰皇味又冇奶味，食落口勁水勁淡都唔知自己食緊乜叫咗個芒果涼粉加清心丸，上甜品嗰陣職員話清心丸要後上，但係個清心丸喺我食到一半嗰陣時先到，仲要係熱嘅？完全唔知呢間鋪嘅人諗緊乜嘢，可以比一個熱嘅配料我加落去一個凍嘅糖水度食，一加埋落去成個芒果汁又暖又酸好似比人坐住座暖咁，粒清心丸又硬食多兩粒都會胃痛嗰種芒果涼粉個芒果汁食落就係化學芒果糖漿加奶加水打出嚟，涼粉細粒到同手指尾嘅指甲差唔多細所有嘢都可以做得咁差真係第一次見，糖水舖已經係比較難炒車但係佢係由服務到食物質素都可以做到炒哂車真係世間少有，想食甜品仲有好多選擇，真係唔需要比錢買難受

同啲鄰居喺青衣食完晚飯，意猶未盡，咁就過咗嚟荃灣食糖水。估唔到求其揀一間都有咁大嘅驚喜。入到嚟嘅時候先發覺全部都係椰皇，有鄰居好怕食椰子都躊躇緊揀咩好。經過詳細解釋椰皇同椰子嘅分別，最終都叫到一款來試。當佢哋食緊嘅時候覺得好好味我仲揀緊食咩好。睇見隔籬個芒果刨冰好似幾好，我都嗌咗一個刨冰，第一啖簡直係震驚味蕾，佢個冰底竟然全部都係椰皇晶唔係普通雪花冰。基本上係追住你食完全停唔到口，因為嗰種清甜配埋個冰底真係絕配，食晒啲冰中間仲有其他驚喜有個奶凍同埋龍眼肉。我就撈埋啲桃膠落去一次過食，簡直係滿滿嘅幸福感湧現。最後臨走嘅時候仲買咗椰皇水外賣，估唔到一間糖水舖淨係買椰皇都可以咁出色。

❣️Sweetheart (荃灣)荃灣鱟地坊8號卓明大廈地舖☎️最近天氣實在太熱啦，我都忍唔住去咗食個甜品消下暑🍧椰皇龍眼山$56一上枱就見到滿滿嘅龍眼😍龍眼肉好新鮮同鮮甜，加埋雲呢拿味嘅雪糕，就更加好味🤤食到底，仲有滿滿嘅蒟蒻添！芒果撈水晶粉$55芒果撈有好多嘅材料，除咗有會員之外，仲有椰子肉、大西米、蒟蒻同埋一個大布甸🍮淡淡都有好豐富嘅材料，滿足咗我食甜品嘅意欲🤤#荃灣 #荃灣甜點 #荃灣美食篇 #荃灣甜品 #甜品 #芒果 #龍眼 #荃灣推介 #糖水 #荃灣糖水推介 #荃灣糖水

鱟地坊店已經開了幾年，初次認識是疫情時該店是店主派發N95 口罩，非常好禮貌，留下好好印象。之後已經外賣過幾次，只買椰皇燉蛋白，甜度適中，蛋白很香滑，價錢亦接受。最近得知將會開另一間分店在大河道多一個選擇，始終店不算大，晚上見出面一群人就放棄等了😅

🦄Sweetheart💞門外好多刻畫椰皇既畫作🖼️，舖頭主打🥥甜品，推開木系裝修的店門，內裡係間溫馨小店，位置唔多有D迫，小編推介適合2-4人小聚🥥椰皇蛋白芋圓$58用原個椰皇盛載，一上枱就聞到椰香，配上燉蛋白，🍮口感嫩滑好肉咁布甸，入口即溶。甜度岩岩好，加埋煙韌既三色芋圓，Prefer match 👅!✨ 龍眼撈水晶粉$55水晶粉 + 🥥椰絲 +🍧 龍眼沙冰 + 椰果 + 牛奶布甸＋小丸子🍧龍眼沙冰清甜，帶新鮮龍眼肉同椰絲增加口感，好少糖水裡面會有椰絲出現，多種口感同風味層層堆疊，水晶粉好透明好滑，小丸子好有咬口整體清爽又有驚喜👍！‘-‘-‘-‘-‘-‘-‘-‘-‘-‘-‘-‘-‘-‘-‘Sweetheart 📍地址 : 荃灣鱟地坊8號卓明大廈地舖🏰環境: 7/10🙇🏻‍♂服務: 7/10 💰價位: 低價⏰用餐時段: 宵夜‘-‘-‘-‘-‘-‘-‘-‘-‘-‘-‘-‘-‘-‘-‘#為食控 #hkfoodie #hkfoodalog #hkfood #foodiehk#食好西 #人氣美食 #糖水 #串燒 #荃灣 #溫馨小店

第一次叫外賣，買芒果西米露加芋頭，芋圓加10元唔平，返屋企發現無俾芋圓，今次叫芋圓綠豆邊清心丸，點知又係無俾芋圓，2次都漏左芋圓，各位買外賣記得睇清楚，等得耐又漏。

好多時候，人們都認為熱的椰皇蛋白才好味，但因為舌頭破損而食唔到熱，就下單了凍的椰皇蛋白芋圓。一送來，感覺是咁小小世界嘅😅⋯⋯椰皇的確有大有小的，立即嚐第一口蛋白，幾滑啊！椰水也鮮甜。芋圓看來不錯，口感軟硬適中，正確來講，不是硬，而是煙靭。明明見過人家很易刮出椰皇肉，但我刮了多久也不行，只好放棄。整體都不錯。埋單$58，細了一點，不算抵。這個甜品若是熱食，可能更美味和香氣。我有興趣它的窩夫，閒時再試。

其實佢地人手同管理都好大問題，入到去要自己去拎餐牌同主動問收銀拎QR code，唔係就慢慢等都唔會有人理你😓之前平日去過一次，等咗半個鐘，先話熱椰皇要耐啲，問轉唔轉凍，如是者食個甜品用咗一個鐘….今日心諗俾多次機會，雖然年初三都知可能要等得耐啲，但即管試多次啦23:25入到去，即刻問佢拎QR code，到23:30先俾到我，23:35落咗兩個凍椰皇，就等上枱啦23:42返嚟話我知其中一個賣晒，即刻點過另一個，跟住就繼續等….最後23:50返嚟同我講，我點嗰兩個都賣晒，即我用咗25分鐘去等佢覆我賣晒

夜晚1030左右去到 啱啱好有位 入到去好快就order左熱嘅椰皇燉蛋白配芝麻湯圓小丸子隔離檯10分鐘後先到 但係佢地叫晒野食 都有椰皇 食曬走埋我地嘅椰皇都仲未到 🥲 隔左陣店員先拎張單黎話熱嘅椰皇要等多10分鐘先有😵😵 但係個陣其實本身已經等左超過十分鐘 後面檯仲話已經等左半個鐘😨😨之後終於到左 店員率先倒瀉左兩淡落黎檯同我地件衫😖😖😩 講返椰皇本身 裡面有裝滿嘅 唔係偷工減料 小丸子同湯圓都煮到好淋 鍾意有小小煙韌嘅可能會失望 但我ok嘅👌🏾 芝麻湯圓餡唔算好多 細細粒椰子味都食到 椰子肉都容易刮 而且唔會硬 夠軟淋滑溜嘅 overall不過不失 正常椰皇蛋白發揮 但係等太耐真係扣分😣😣

20:59入鋪 叫三碗甜品 21:45先等到最後一碗凍嘅綠豆清心丸 等咗成45分鐘 其他遲過我哋入舖頭嘅甜品全部到晒仲要食完走埋 佢嘅出品 唔係跟order時間 純粹見單做單 大家唔介意可以一試另一有趣地方係 我哋三個人一入坐四個位 右邊一張四人枱坐咗兩個人 突然外面嚟咗四個人 舖頭負責人竟然叫咗四個人入嚟坐 而我哋既左邊其實只得兩個空位 最後佢叫兩人坐四人座位嘅往右手邊坐返兩個位 然後要我哋三個人一同往右邊移 令到本來只得二人座位加返兩個位 等佢可以即刻做多四人一張枱嘅生意 我即時問佢 點解你唔直接叫兩個人而去坐兩人座位 咁已經可以騰空返一張四人枱 根本唔需要我哋再往右手邊 我哋最後都配合往右邊移 我哋一開始就係唔想佔佢太多空間位置 所以已經坐一張四人枱 但既然佢又由客人自己選擇 但一見客人多又想做多啲生意 咁當初就唔好由客人選擇兩個人坐四人嘅枱 如果大家都唔使排隊 一見位就入 淨係想自己做多啲生意 咁以後唔使排隊啦

同朋友食完台灣菜之後，去咗隔離嘅甜品店，見到我最中意嘅野。呢間嘢價錢唔係特別平，但係，味道還可以，好彩我哋都好早入座。入咗後大概30分鐘，非常多人排隊，咁我就叫咗一個王牌產品，雪燕燉椰皇，味道唔係好甜，啱啱好好適合我食。

垃圾食物 垃圾服務 入到舖頭已經有浸臭味，個芒果同Menu張相完全不符 仲要細碗。同埋唔知咩服務黎 問佢個雪糕咩味佢話default係雲呢拿味，好啦嚟咗之後原來係芒果味，跟住諗住問吓佢點解會係芒果味，嗌咗差唔多20聲唔該，一個二個唔知真撞聾定扮聽唔到，然後叫到佢過嚟之後，望咗個碗見到你有雪糕 佢一句話「哦有雪糕」跟住就掉頭走咗唔知同佢個男人傾偈 咁就冇咗件事，心諗咩料呀？一開頭已經問清楚個雪糕係咩味先至叫，冇諗過問清楚之後都係得唔到自己想食嘅味，奉勸大家唔好去 買難受去食啦。D芒果酸到開眼。講真你做甜品鋪，點會唔識整甜品㗎？黐線啲芒果可以酸到咁，未食過咁難食嘅芒果。現附上圖片，提供有力證明，唔洗等係因為無人食

最近一直整理我擱置了好一段時間的食評，只因這幾個月經常離港旅遊。旅遊前最花時間和精力的要算是計劃行程，訂好機票之後才可以計劃訂酒店、行程和交通，這個過程幾乎花光我所有時間及精力，韓劇也沒有時間看； 旅遊完回來又要整理相片。上月底從日本回來，到現在終於可以騰出一點時間來完成最近幾篇食評👏。這天本到荃灣買東西，經過川龍街，想起內街（鱟地坊）有間椰皇甜品專門店，突然很想念椰皇燉奶的味道👅，於是右轉90度沿著海霸街進入鱟地坊，2分鐘就到達。甜品店位於熱鬧的荃灣市中心，地點卻是旺中帶靜，外面川龍街有小巴站、藥房、海味舖、凍肉公司及菜檔等充斥了整條街，真正是車水馬龍；但相隔不遠的鱟地坊則並非太多人會經過，甜品店就在這裏，店門外右邊掛了幾張海和天的畫作🖼️，對上還有此店的椰皇甜品画作🖼️，相信是店主或其家人之作品👍；面向甜品店右邊則貼滿大部份甜品圖片/價目表。店主把店名「Sweetheart」的"t"及"h" 字母設計成為一個甜蜜🥰的心形❤️，非常配合甜品店的名字。今天是週日的下午5時，從店外玻璃可以看到店內只有一位客人，非常清靜。進入店內馬上感覺涼快，店內靠近廚房上方的牆壁上也貼滿了不同顏色的❤️🤍🩷，還

sweetheart 絕對係我食過最好味嘅椰皇！真心冇誇張，佢地嘅椰皇入面啲椰汁蛋白，椰汁味又濃！燉蛋又滑！又唔會過甜！😋😋😋仲有佢地俾好多款你揀，又可以揀桃膠椰皇、或者湯圓小丸子椰皇⋯⋯⋯下刪50字🤣🤣仲有好多款可以自己睇佢地menu🤤嗰日飽啲又可以揀冇配料就咁椰皇蛋白👍🏻嗌熱嘅話，食到尾刮啲椰皇肉出黎食🥹啲椰皇肉又軟又香又滑🥹不過食凍嘅就冇咁軟喇，正常嘅因為雪凍左自然會硬啲所以食椰皇一定係嗌熱😜😜同埋一定係黎荃灣呢間sweetheart食！本食評完全係自費食評，幫襯多年水準如一！一定要俾好評佢！！！👍🏻👍🏻👍🏻

係荃灣 食糖水黎黎去去 都係果3幾間呢個位唔會成日行過 但係為咗食糖水會特登過嚟食左芒果班戟 正常發揮 椰皇全寶 女仔食最岩 又桃膠又燉蛋白 本身係 要食少啲甜嘢 但係因為佢用椰青水 感覺上健康好多