Video
Read full review
2016-07-08
500 views
熱愛椰子雞湯，同時間又熱愛火鍋嘅我，邊有方法可以同時滿足兩個願望吖！真係估唔到竟然會有鋪頭做椰子雞湯火鍋，仲要話明係用海南文昌雞添。雖然湯底唔係平飲果啲椰子湯，而係用椰青水做湯底，但聽落都好鬼吸引。食火鍋食得多，咁樣嘅混醬真係未見過。海南特產青柑桔，辣椒碎，沙薑碎。加埋豉油出嚟個味好驚喜，雖然感受唔到每一個配料之間嘅作用。但食落有柑桔香，有種微甜，而且沙薑令個個汁好香口。野飲都離唔開椰子，呢個pina colada。外型殺晒，份量都係殺晒，味道當然都係殺晒。椰香味絕對唔係出面酒吧比得到。等雞前就先食個冷盤熱下身，花螺吸左啲醬汁味。一小份作為餐前小食不失為一個好選擇。主角出場，文昌雞皮同肉都比較白淨，唔會見到黃油。椰子水湯底本身有少量椰肉，雞都有配多少少椰肉。每張枱都有一個沙漏，用嚟計時。一次嘅時間就剛好係啲雞熟嘅時間，又幾方便喎。雞肉熟得啱啱好，好有雞味又唔肥，配埋個混醬汁好正。蔬菜都係入口貨，大部份嚟自日本，當然品質有保證啦。份量都係唔欺場。最後點左一個煲仔飯，其實一啲都唔仔。呢個龍蝦黑松露煲仔飯，足夠4人享用。飯吸引左龍蝦嘅鮮味，加埋黑松露嘅香氣，一開蓋已經卻罷不能！最後仲有呢個甜
真係估唔到竟然會有鋪頭做椰子雞湯火鍋，仲要話明係用海南文昌雞添。
雖然湯底唔係平飲果啲椰子湯，而係用椰青水做湯底，但聽落都好鬼吸引。
食火鍋食得多，咁樣嘅混醬真係未見過。海南特產青柑桔，辣椒碎，沙薑碎。
加埋豉油出嚟個味好驚喜，雖然感受唔到每一個配料之間嘅作用。
但食落有柑桔香，有種微甜，而且沙薑令個個汁好香口。
野飲都離唔開椰子，呢個pina colada。外型殺晒，份量都係殺晒，味道當然都係殺晒。
椰香味絕對唔係出面酒吧比得到。
等雞前就先食個冷盤熱下身，花螺吸左啲醬汁味。一小份作為餐前小食不失為一個好選擇。
主角出場，文昌雞皮同肉都比較白淨，唔會見到黃油。椰子水湯底本身有少量椰肉，雞都有配多少少椰肉。
每張枱都有一個沙漏，用嚟計時。一次嘅時間就剛好係啲雞熟嘅時間，又幾方便喎。
雞肉熟得啱啱好，好有雞味又唔肥，配埋個混醬汁好正。
蔬菜都係入口貨，大部份嚟自日本，當然品質有保證啦。份量都係唔欺場。
最後點左一個煲仔飯，其實一啲都唔仔。呢個龍蝦黑松露煲仔飯，足夠4人享用。
飯吸引左龍蝦嘅鮮味，加埋黑松露嘅香氣，一開蓋已經卻罷不能！
最後仲有呢個甜品，用椰青水做成果凍，仲同你起晒啲椰肉。啱晒我呢啲懶人，正到爆。
呢同時亦有提供其他火鍋配料，普通肥牛，豚肉都有供應。
但個人感覺個湯底好似唔太適合，所以決定用呢度另一招牌菜煲仔飯作飽肚之用。
Post
