Video
Read full review
2023-04-21
428 views
復活節長假，個個都離開香港四圍玩～留喺香港嘅我，當然就要約下啲朋友仔一齊出來食吓飯啦！呢日係復活節長假期最後一日，我就約咗朋友仔去餐廳打卡食飯談吓心啦～去咗佢係銅鑼灣嘅飯堂Tapa Room，呢間餐廳呢除咗提供地道新鮮西班牙菜、新鮮美味海鮮類，啲嘢好好食之外，仲係一個打卡聖地嚟嘅，一次過滿足曬兩個願望✌️✌️仲係飲酒Chill一chill既好去處～如果大家有係係社交平台見過一啲螢光隧道嘅相片的話，咁你應該會知道我講緊邊間餐廳啦☺️今次我哋就叫咗四個小食同埋一個主菜一齊share，小食方面，我哋就叫咗Foie Gras Lollipop 棒棒鵝肝、Foie Gras Bikini Sandwich 鵝肝比堅尼三文治、Tortilla De Patata 西班牙薯仔蛋餅，同埋一個Cold Cut Platter凍切拼盤。而主食方面，我哋就叫咗一個Suckling Pig Paella西班牙慢烤乳豬蕃茄鍋飯，另外今次因為見到個好色彩繽紛既Sangria Lab餐牌，就一人叫咗一杯餐廳嘅Sangria飲品試一試啦，朋友揀咗Virgin Sangria，而我就揀咗White Sangria。Foie
去咗佢係銅鑼灣嘅飯堂Tapa Room，呢間餐廳呢除咗提供地道新鮮西班牙菜、新鮮美味海鮮類，啲嘢好好食之外，仲係一個打卡聖地嚟嘅，一次過滿足曬兩個願望✌️✌️仲係飲酒Chill一chill既好去處～
如果大家有係係社交平台見過一啲螢光隧道嘅相片的話，咁你應該會知道我講緊邊間餐廳啦☺️
今次我哋就叫咗四個小食同埋一個主菜一齊share，小食方面，我哋就叫咗Foie Gras Lollipop 棒棒鵝肝、Foie Gras Bikini Sandwich 鵝肝比堅尼三文治、Tortilla De Patata 西班牙薯仔蛋餅，同埋一個Cold Cut Platter凍切拼盤。
而主食方面，我哋就叫咗一個Suckling Pig Paella西班牙慢烤乳豬蕃茄鍋飯，另外今次因為見到個好色彩繽紛既Sangria Lab餐牌，就一人叫咗一杯餐廳嘅Sangria飲品試一試啦，朋友揀咗Virgin Sangria，而我就揀咗White Sangria。
Foie Gras Lollipop 棒棒鵝肝
呢個鵝肝係朋友仔大力推薦嘅，我哋兩個都係鵝肝控💜💜💜餐廳將鵝肝整到一個波波咁樣，
加埋竹籤，其實外型真係好似棒棒糖！睇到都覺得好開心，而且一啖一個波，食落好方便😁😁😁一上菜就聞到令人流曬口水嘅鵝肝香，推薦畀鍾意食鵝肝嘅朋友仔～
Foie Gras Bikini Sandwich 鵝肝比堅尼三文治
兩個鵝肝控食飯，就梗係要試埋呢間餐廳另外一個鵝肝愛好者必食嘅鵝肝比堅尼三文治啦～呢個三文治呢唔係出面好硬嗰啲三文治嚟㗎，係好似薄餅咁，外面好酥脆香口，而且裏面仲有滿滿嘅鵝肝，好軟滑🤤🤤🤤
Tortilla De Patata 西班牙薯仔蛋餅
呢個蛋餅呢係見到網上面好多人推薦嘅～畢竟蛋餅其實係去西班牙餐廳嘅Signature來㗎嘛！呢間餐廳嘅蛋餅，係整到好似個焗批咁樣嘅造型，同我食過其他的西班牙餐廳唔同。呢個食落蛋味好香濃，蛋餅外面煎得好香脆，薯仔切成粒粒咁放咗喺入面，好有咬口！
你唔好睇佢係喺Side dish嘅小食，就以為佢會好細份。如果你本身係細食嘅話，其實你食完一個蛋餅都可能已經飽🤣🤣🤣
Cold Cut Platter凍切拼盤
呢間餐廳嘅凍切拼盤，分別係由西班牙火腿、曼徹格芝士同紅酒釀梨組成，芝士本身好軟滑，紅酒釀梨有好香嘅紅酒味，會令你覺得有啲甜甜嘅口感。至於主角西班牙火腿，我認為鹹香度適中，送酒一流👍👍食嘅時候配搭埋紅酒釀梨一齊食，有梨子嘅甜味中和番，就唔會覺得太油膩，我覺得呢一點要讚一下店家嘅心思👍👍👍
Suckling Pig Paella西班牙慢烤乳豬蕃茄鍋飯嘅
本身點呢個飯，係因為見到餐牌寫住呢個飯係廚師推介，果然冇令我失望💜💜💜首先佢哋嘅慢烤乳豬係烤到卜卜脆，係一上枱就會聞到好香，乳豬仔燒到肉嫩又多汁，食到停唔到口🤤🤤🤤其次，個鍋飯其實係有好濃烈嘅蕃茄香味，啲飯係粒粒分明，好有咬口，而且有埋蕃茄汁，酸酸甜甜好開胃😋😋😋
Virgin Sangria
一個係冇酒精版本嘅Sangria，好易入口～
White Sangria
White Sangria就加入咗橙、菠蘿同百香果等等嘅材料，非常清新，適合鍾意啲易入口嘅朋友仔！
Post
